மறந்து பழக வாய்ப்பில்லை

விழிகளுக்கப்பால் எதையோ உருட்டி
அப்பா என்னை மிரட்ட
நான் படித்த குறள் மறக்கவில்லை

அடிபிறழ்ந்து நானெழுத பள்ளியில்
விழுந்த அடியும்...
சூட்டோடு சூடாய் வீட்டில்
காய்சியிழுத்த கம்பிச்சூடும்..
ஆச்சியின் வெத்தலை உரலை திருடிவிற்று
நான் குடித்த முதல் சிகரெட்டும்
இப்படியெதையும் மறக்கவில்லை...

இங்கே தேடிச்சோறு நிதம்தின்று
இன்னபிறவும் கிடைத்ததிருப்தியில்

காதலிக்கப்போய் அதுவும் கிடைக்க
இப்போ "மறந்துவிடு" என்கிறாள்

மறந்து பழக வாய்ப்பில்லை

அப்பாவின் மிரட்டும் விழியும்
கம்பிச்சூடும்
சிகரெட்டும்-இப்படி
மறப்பதற்கென எவ்வளவோ மறக்காமலிருக்கையில்
அவளை மறப்பதெப்படி....