பிரிதல் -6-ரிஷி சேது

இனி

சகஜமாய் விலகிப் போவோம்
யாரேனும் நம்மை தெரிந்தவர் போல
காட்டிக் கொண்டால் தோள் குலுக்கி
வெட்டியாய் கை நீட்டி
ஒட்டிக் கொள்ளாது பிரிவோம் - நம்
கெளரவங்கள் போரிட்டுக் கொள்ளட்டும் - பல
கைகுலுக்குள்களுக்குப் பின்

ஆரோக்கியமாய் துடைத்துக் கொண்டு
உதடு பிரியாச் சிரிப்பை - அலசல்களுக்கான
மெளன ஆமோதிப்பைக் கூட
நாகரீகமாய் ஆக்கிக் கொள்வோம் ..

வெறித்தனமாய் ஜாதி பேசுவோம் ..
மதங்களின் ஆணிவேர் தேடுவோம்
மையம் சிக்குகையில்
கோரப்பற்களுடன் ரத்தம் சொட்ட .. சொட்ட
மனிதம் பேசுவோம் - மெல்ல
பிரிந்து போவோம் - நமக்கு - தேவையானவைகளிலிருந்து ...

- ரிஷி சேது([email protected])

படைப்புகளை அனுப்ப:

கவிதை, கட்டுரை, சிறுகதை என படைப்பிலக்கியத்தின் எந்தக் கூறுகளிலும் உங்களதுஆக்கங்களை அனுப்பலாம். அனுப்ப வேண்டிய மின்னஞ்சல் முகவரி: [email protected]

படைப்புகளை அனுப்பும்போது, நீங்கள் எந்த எழுத்துருவை பயன்படுத்தியுள்ளீர்கள் என்பதை அறியத் தரவும்.