சொல்ல துடிக்கும் மனசு

-குடந்தை பாஷா

வட்ட நிலா தேய்ந்து
கரிக்கரிவாள் ஆகிப்போனது
மஞ்சள் வண்ணம் கூட
மாண்டுபோய் இருண்டுபோனது
நட்சத்திரங்கள் மேகத்துக்குள்
மறைந்து மறைத்துக்கொள்ள
இராக்கால பூச்சிகள்
ரீங்காரமிட்டு மெட்டுப்போட
மின்மின்ப்பூச்சிகள் மட்டும்
இங்கொன்றும் அங்கொன்றும்
மின்னி மின்னி சீரியல்
பல்புகளாய் அலங்கரிக்க
ஒரு நாய் கூட
ஊளையிட்டு பாடிவிட்டுப்போக
இந்த சப்தங்களெல்லாம்
அடங்கி அங்கே நிசப்தம் வர
என் இதயச்சத்தம் மட்டும்
ஓங்காரமிடுவது ஏனடி பெண்ணே
உன் பெயர் சொல்லிமட்டும்
துடிப்பதுதானடி கண்ணே
இன்றல்ல இனி என்றுமே
உன் பெயர் சொல்லித்தான் துடிக்கும்
உன்னோடு சேரும் நாள் ஒன்றுவரும்
அதுவரை எனக்கு வேறு
சத்தங்கள் இனிமையல்ல.

-குடந்தை பாஷா([email protected])