• search
For Quick Alerts
ALLOW NOTIFICATIONS  
For Daily Alerts

குறுங்கவிதைகள்

By Staff
|

கூத்தும் மேளமும்

கொண்டாட்டமும் தாளமும்

பிணம் மட்டும் அமைதியாய்!

-------------------

கோடையின் கொடுமை

கசக்கவில்லை வேம்பு

இனிக்கிறது நிழல்!

-------------------

தோப்பில் பேய்!

திருடர் பயமில்லை

கனக்கிறது முதலாளிப் பை!

-------------------

பொதுவிடத்தில் கம்பம்

காலைத் தூக்கியபடி

நாயும் மனிதனும்!

-------------------

தண்ணீரில் கண்டம்

கோயில் குளத்தில்

சோதிடர் பிணம்!

-------------------

நேபாளத்திலும்

கொலை கொள்ளை

கூர்க்காக்கள் தூக்கம்!

-------------------

பிடித்தது புளியங்கொம்பு

தாங்கியது தூக்குக் கயிறு

வரதட்சணை!

-------------------

தொண்டரணிவகுப்பு

கட்சி ஊர்வலம்

பலியாடுகள்!

-------------------

பூகம்பமா?சூறாவளியா?

தொலைநோக்குச் சிந்தனை

எறும்பு விஞ்ஞானிகள்!

-------------------

முரசின் முழக்கம்

வாண வேடிக்கை

மழையழகு!

-இமாம்.கவுஸ் மொய்தீன் drimamgm@hotmail.com

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X