ஏதேனும் செய்துவிட்டுப் போகவேண்டும்...

யதார்த்தங்கள் வரைந்துபோன
வாழ்க்கைகோடுகள்
வயதின் நொடிகளெங்கும்
நெருடலாய் வந்துபோன
காதலும்
நீ்ர்கோடுகளும் தெரிந்துப்போன
வாழ்க்கையும்
கற்றுக் கொண்டுதானிருக்கிறேன்
முடிந்தபாடில்லை கற்றலும்-வாழ்க்கையும்

சவக் கிடங்குகளெங்கும் தேடிப்பார்க்கிறேன்
எனக்குத் தெரிந்தவர்களிடமும் கேட்டாயிற்று-
தெரிந்தபாடில்லை- வீட்டின்
சுவற்றில் மட்டும் மாட்டியிருக்கும்
மரியாதையோடு முடிந்து போயிருந்த
சிலரின் வாழ்க்கை வரலாறு...

ஏதேனும் செய்துவிட்டுப் போகவேண்டும்
சுவற்றுப் படமாக மாறிவிடாமல்-
குறைந்தபட்சம் சிலமரங்களும்
ஒரு பூந்தோட்டமும்

என்பங்காய் வானம் ஓர்துளி
மழையுதிர்த்தால்- இறந்தபின்னும்
என் எலும்புச்சாம்பல் குளிர்ந்திருக்கும்...

-ரிஷி சேது ([email protected])