''புத்தாண்டு வாழ்த்துக்கள்"

-கவியன்பன் கலாம்

பூத்திருக்கு புத்தாண்டு
காத்திருக்கு கடமைகள்
நேற்று வரை யாத்த
கனவுக் கவிதைகள்
நனவாகும் காலம்!

வாழ்வென்னும் வங்கியில்
வரவாகும் புத்தாண்டு வைப்புத் தொகை;
செலவாகும் நாட்களால் வரவைக் கழிக்கின்றோம்-
நாட்காட்டி காசோலையாக்கி கிழிக்கின்றோம்....

நாட்கள் கூட்டினால்
நம் ஆயுளின் வருடம் குறைகின்றது!
இது தான் வாழ்க்கைக் கணிதம்;
எதிர் விகிதம்
புது விகிதம்

இக்கணிதத்தை வடிவமைத்த
தக்க பெரியோன்
எக்காலமும் நமக்கு
நற்காலமே நல்குவானாக...!

-கவியன்பன் கலாம்([email protected])