தெரிந்திருக்க நியாயமில்லை..

மென் சிரிப்பில் ஒரு
பட்டாம் பூச்சிக்கூட்டத்தையே
பதியனிட்டு்ப்போய்விடுகிறாய்

பூக்கூட்டம் சூழ
காத்திருக்கும் ஓர் மாலையில்
வானம் வரைந்திருந்த வானவில் பொழுதுகளை
உன்னோடு பகிர்ந்துகொள்ளவேண்டும்

நேற்றைய கனவின் முடிவில்
வந்துவிழுந்த நட்டத்திரங்களை
பொறுக்கி வைத்திருக்கிறேன்-
நாளைய கனவில் நீ வரும்போது
உனக்கு பரிசளித்துவிடுகிறேன்

குளி்ர் மழையில்
கூடிழந்த ஓர் வெண்புறாவாய்
அலைகிறதென் மனது

யோசனைகளுக்கு மத்தியில்
நானிருக்கையில்
வெண்பனிகளுக்கு நடுவே
என்னெல்லா இரத்தமும் வெளியேற
சுட்டுப்போன தீவிரவாதிக்கு
தெரிந்திருக்க நியாயமில்லை
நம் காதலும்
நீ பதியனிட்ட பட்டாம்பூச்சிகளும்

-ரிஷி சேது ([email protected])