தந்தையர் தினம் 2020 : நானும் ஒரு தந்தை!

சென்னை: அம்மாக்கள் மனதில் உள்ளதை அப்படியே கொட்டி விடுவார்கள்.. அது அன்போ, கோபமா, பாசமோ, ஆதங்கமோ.. எதுவாக இருந்தாலும் சரி.. அப்படியே வந்து விழும். ஆனால் அப்பாக்கள் அப்படி இல்லை.. எல்லாவற்றையும் உள்ளுக்குள்ளேயே வைத்துக் கொண்டு.. நடமாடும் தெய்வங்கள் அவர்கள்.

தனது தந்தையின் அன்பையும், மகத்துவத்தையும் நமது வாசகர் கே. சரவணக்குமார் ஒரு கவிதையாக உணர்த்தியுள்ளார். படியுங்கள்.

அன்று
என் தந்தையின்
தந்தைக்கு
என் தந்தை
மரியாதை
செலுத்துவதை
ஒரு மகனாக
வேடிக்கை
பார்த்த நான்

இன்று
என் மகன்
வேடிக்கை பார்க்க
என் தந்தைக்கு
நான் மரியாதை
செலுத்துகிறேன்
நானும் ஒரு
தந்தை என்பதை
உணர்ந்து...

- கே.சரவணக்குமார்
முதுகுளத்தூர்.

English summary

Fathers Day 2020: Our reader Saravanakumar has remembered his father on this Father's day.