தந்தையர் தினம் 2020 : தலை முறை கடந்து தணியும் தந்தையின் தாகங்கள்!
இன்று: ரிமோட் கார், மினிபைக், ரோபோ என நான் ஏங்கிய பொருட்கள் யாவும்!!
என் அன்பு மகன் நின் கரம் பட்டு ஓடுகையில் கிடைக்கும்
மகிழ்ச்சியின் போதே உணர்கின்றேன்!
அன்று:பச்சை கலர் கண்ணாடி! கைதட்டி ஆடும் பொம்மை!
மூன்று சக்கர மிதிவண்டி!! என நான் விளையாடும் பொழுது!
கண்டு ரசித்த தந்தையின் சிரிப்பிலுள்ள ஏக்கமும்! பேரானந்தமும்!!
இன்று: பள்ளி! கல்லூரி! பண்டிகை தோறும் புத்தாடை!
பசியறியா உணவு வேளை! பார் காண விரித்த சிறகு!
என நான் வாழும் வாழ்கை யாவுமே!
அன்று: கல்வி கற்கும் வயதில் வேலை சென்று!
கயிறு திரித்து! வீட்டின் வயிறு நிறைத்த!!
சின்னஞ்சிறு சிறுவனின் சிந்தையிலகலா கனா!
International Yoga day: தினசரி யோகா.. தீராத ஆரோக்கியம்.. செம்மையான வாழ்க்கை!
ஆருயிர் புதல்வா! அன்னம் முதல் ஆகாயம் வரை!
நாம் லயித்து வாழும் வாழ்க்கையில்! உண்மையில் ஜெயித்ததது!
எந்தையும்! உந்தையும்! அவர்தம் நெடுநாள் ஆசைகளும்!
தலை முறை கடந்து தணியும் மழலையின் தாகங்கள்!!
-பிரபு பாலசுப்பிரமணி