ஒன்னு மன்னா புழங்க ஆரம்பிச்சுட்டோம் எட்டி கிட்டி பார்த்திராத!

வேண்டியவர்களை மடிக்கணினி வழியும்
வேலை நிமித்தம் யார் யாரையோ நேரிலும்
சந்தித்துக் கொண்டிருந்த நம்மை
வேண்டியவர்களை அருகிலும்
மற்றவரை மடிக்கணினி வழியும்
பார்க்க வைத்தது கொரோனா
#கொரோனா_கொரோனா

கந்தையானாலும் கசக்கிக் கட்டு
: 2000க்கு முன்
ஒரு உடை ஓரிரு முறை
: 2000க்குப் பின்
கந்தையாகும் வரை கசக்கிக்கட்டு
: கொரோனாவுக்குப் பின்
கந்தையானாலும் கசக்கிக் கட்டு
: தடுப்பூசி இன்னும் வரவில்லை
இதுக்கு மேல தைக்க முடியல
: இருக்கிற தடுப்பூசியை போட்டு விடுங்கபா
#கொரோனா_கொரோனா

வீட்டில இருக்கிறதை வைத்து சமைக்கலாம்
: கொரோனா முதல் மாதம்
மளிகை சாமான் மட்டும் வாங்கலாம்
: கொரோனா இரண்டாம் மாதம்
காய்கறி மட்டும் வாங்கலாம்
: கொரோனா மூன்றாம் மாதம்
அசைவம் வாங்கலாம்
: கொரோனா நான்காம் மாதம்
மீன் பிடிச்சிட்டு வரலாம்
: கொரோனா ஐந்தாம் மாதம்
பதப்படுத்தியது கூட வாங்கலாம்
: கொரோனா ஆறாம் மாதம்
ஐஸ்கிரீம் வாங்கலாம்
: கொரோனா ஏழாம் மாதம்
கடையில் சாப்பாடு வாங்கிப் பார்க்கலாம்
: கொரோனா எட்டாம் மாதம்
கூட்டம் இல்லாத கடையில் சாப்பிடலாம்
: கொரோனா ஒன்பதாம் மாதம்
கூட்டமில்லாத கல்யாணத்துக்கு போகலாம்
: கொரோனா பத்தாம் மாதம்
ஊரடங்கு இன்னும் நீட்டிக்கப்படுகிறது
: இந்த ஊரடங்கு நமக்கில்லப்பா கொரோனாவுக்கு

ஒன்னு மன்னா புழங்க ஆரம்பிச்சுட்டோம் எட்டி கிட்டி பார்த்திராத
தடுப்பூசி வரவரைக்கும் அப்படி ஓரமா தூரமா வெயிட் பண்ணிட்டு
அப்புறம் நீயே எந்திரிச்சு போயிடு....

- கௌசல்யா.

English summary

Few Corona thoughts