அண்டவெளியியல் தந்தையே!

உலகெல்லாம் இருக்கும் மாற்று திறனாளிகளின்
மனதை உற்சாகப்படுத்தும் உச்சம்.. உன்பெயர்
வாய்மொழியால் உன் அறிவை உலகிற்கே தந்திருக்கிறாய்
அண்டவெளியின்பால் மாணவர்களை ஆராய ஈர்த்தவன் நீ
கருந்துளையே அண்டத்தின் முடிவு என அறிவித்தவன் நீ
எல்லோரின் சிந்தனையும் தொடக்கம் பற்றியே ஆராய்ந்திருக்க

அண்டத்தின் முடிவென்ன என சிந்தித்தவன் நீ
தொடக்கம் என்று ஒன்று இருந்தால்
முடிவு என்று ஒன்று நிச்சயம் உண்டு என்று
எல்லோர் சிந்தனையையும் அதன் பால்கொண்டு சென்றவன் நீ
சூரியனும் நகர்வதில்லை!
நம்முலகமே சுற்றுகிறது உன்னையே!
இறுதிவரை உறுதியாய் உன்னறிவை வழங்கியே
குன்றாமல் நீயும் வளர்ந்திட்டாய்...
உன்னை நகர விடாமல் முடக்கிய அந்த கொடிய
நரம்பு நோயாலும் கூட உன் அறிவை முடக்க முடியவில்லை
நீ சிந்திப்பதை நிறுத்த முயன்று தோற்றிருக்குமோ?
அண்டவெளியியல் வானில் ஒரே சூரியனாய்
பிரகாசமாய் என்றுமே உலா வருவாய் நீயே!

- ஆகர்ஷிணி

English summary

Noted Physicist Stephen Hawking is no more. Here is a Poem on the noted researcher in the filed of Cosmology.