#RIPsujith எங்களை மன்னித்துவிடு சுஜித்

சுஜித்தின் மறைவு பெரும் துயரத்தை தந்துவிட்டு சென்றுள்ளது

முளைக்கும் முன்னே ஒடிக்கப்பட்டாய்
மலரும் முன்னே உதிர்ந்து சருகானாய்
உதிக்கும் முன்னே அஸ்தமனமானாய்
செழிக்கும் முன்னே எரிந்து கருகினாய்

அலட்சியங்களின் கோர பசிக்கு பரிசளிப்பு உன் உயிர்
உன் முகத்தை பார்க்கக்கூட நாதியற்று போனோம்..
தேகம் முழுவதும் ரண குவியல்களோ..
விசை ஒடிந்த தேகத்தில்..
உன் மௌன கதறல்களோ..

வலிகளின் உயிர் முடிச்சுக்களும்..
ஹீனமான முனகல்களும்..
உன் கடைசி உயிர் துள்ளலும்..

தொழுகைகள், பிரார்த்தனைகள், வேண்டுதல்கள்
இந்த கடவுள் இருந்து தொலைக்கக்கூடாதா என்ற முனகல்கள்

நீ விழுந்த குழியின் வழியே எங்களின் வளர்ச்சி பல்லிளிக்குது!
இரவுகளும் பகல்களும் போட்டி போட்டு சுழன்றாலும்..
உன் மீது இழைக்கப்பட்ட வரலாற்று பிழை மாறாது..
எங்களை மன்னித்துவிடு சுஜித்!

English summary

2 year child sujith dies and nation is in tears as sujith is no more