ஜல்லிக்கட்டு இல்ல.. இது டெல்லி கட்டு.. மோடியை எதிர்த்து கோவன் பாடிய புதிய பாடல்

ஜல்லிக்கட்டுக்கு ஆதரவாக மக்கள் அதிகாரம் சார்பில் புதிய பாடல் ஒன்று வெளியாகியுள்ளது. ஜல்லிக்கட்டு விவகாரத்தில் மத்திய அரசையும், மோடியையும் விமர்சித்து கோவன் பாடியுள்ளார்.

சென்னை: "மூடு டாஸ்மாக்கை மூடு" என்ற மது ஒழிப்பு பாடல் பாடியதற்காக சிறை சென்ற கோவன் ஜல்லிக்கட்டுக்கு ஆதரவாக பாடல் பாடி வெளியிட்டுள்ளார். மக்கள் கலை இலக்கிய கழகம் சார்பில் வெளியிடப்பட்டுள்ள இந்தப் பாடலில், தமிழ்நாட்டு மக்கள் மற்றும் அவர்களின் கலாச்சாரத்தின் மீது மத்திய அரசு தொடுத்து வரும் தாக்குதலை விமர்சித்து எழுத்தப்பட்டுள்ளது. இதோ அந்தப் பாடல்...

ஜல்லிகட்டு இல்ல - இது
டெல்லிக் கட்டு

அலங்கநல்லூர் ஜல்லிக்கட்டு - மாட்டை
அடக்கி விட்டோம் அன்று தொட்டு - இனி
வாடிவாசல் விட்டு விட்டு
மோடி அரசை அடக்கி காட்டு

காவிரியைத் தடுத்து எங்கள்
கழனியைக் கருக்கி, உழவன்
உயிர்களைக் குடித்து மண்ணைக்
கெடுத்தவனை எதிர்த்து மோது

தமிழினை அழித்து - செத்த
சமஸ்கிருதம் திணித்து - எங்கள்
பாடத்தை திரித்த - மோடி
வேடத்தை கலைக்கிறோம் பார்

பொங்கலுக்கு விடுமுறை ரத்து - நம்மை
சீண்டிப் பார்க்குது டெல்லிக்காத்து
வீரம் எங்கே, இங்கே காட்டு - காவிக்
காளையின் கொம்பை முறித்து வீழ்த்து.

English summary

Tasmac song famous Kovan has sung a Jallikattu supported song released by Makkal Kalai Ilakiya Kazhagam.