மாசி மாத ராசி பலன் 2022: மேஷ ராசிக்காரர்களுக்கு மாசியில் லாபம் கொட்டப்போகுது

மாசி மாதம் கும்ப மாதம். இந்த மாதத்தில் நவகிரங்களின் சஞ்சாரம் கூட்டணியால் மேஷம் முதல் மீனம் வரை 12 ராசிக்காரர்களுக்கும் பலன்கள் பரிகாரங்களைப் பார்க்கலாம்.

Published: Wednesday, February 9, 2022, 16:30 [IST]

Subscribe to Oneindia Tamil

சென்னை: மாசி மாதத்தில் சூரியன் கும்ப ராசியில் பயணம் செய்வார். தமிழ் மாதங்களில் மாசி மாதம் 11வது மாதம். அனைத்து தெய்வங்களையும் வழிபட மிகச்சிறப்பு மிக்க மாதம். திருமால், மகாவிஷ்ணுவாக அவதாரம் எடுத்தது மாசி மக நட்சத்திரத் திருநாளில்தான் என்கிறது புராணம். மகாசிவராத்திரி, மாசி மகம் உள்ளிட்ட பல பண்டிகைகளை கொண்டாடப்படுகின்றன. இந்த மாதத்தில் கிரகங்களின் கூட்டணி சேர்க்கை பார்வையால் மேஷ ராசிக்காரர்களுக்கு என்ன பலன் கிடைக்கும் என்று பார்க்கலாம்.

காலபுருஷ தத்துவப்படி சூரியன் குரு கூட்டணி லாப ஸ்தானத்தில் 11வது வீட்டில் நிகழ்கிறது. மாத இறுதியில் புதனும் கும்ப ராசியில் இணையப்போகிறார். மகர ராசியில் செவ்வாய் சனி,சுக்கிரன் இணையப்போகிறது. ராகு ரிஷபத்திலும் கேது விருச்சிகத்திலும் பயணம் செய்கின்றனர்.

மேஷ ராசியில் பிறந்தவர்களுக்கு இரண்டாம் வீட்டில் ராகு, எட்டாம் வீட்டில் கேது, ஒன்பதாம் வீட்டில் செவ்வாய், சுக்கிரன், பத்தாம் வீட்டில் சனி, சூரியன், புதன், லாப வீட்டில் குரு என கிரகங்கள் பயணம் செய்கின்றன. இந்த கிரகங்களின் சஞ்சாரம் கூட்டணியால் என்ன பலன்கள் கிடைக்கும் என்று பார்க்கலாம்.

மேஷம்

மாசி மாதம் மேஷ ராசியில் பிறந்தவர்களுக்கு சிறப்பான மாதமாக அமைந்துள்ளது. புது முயற்றிகளில் வெற்றி கிடைக்கும். குருவின் சஞ்சாரம் சாதகமாக உள்ளது. சூரியனும் குருவும் லாப ஸ்தானத்தில் பயணம் செய்வதால் தொழில் வியாபாரத்தில் செய்யும் முதலீடுகள் இரட்டிப்பு லாபத்தைக் கொடுக்கும். மாத பிற்பகுதியில் சனி,செவ்வாய், சுக்கிரன் இணைந்து பத்தாம் வீடான தொழில் ஸ்தானத்தில் பயணம் செய்வதால் கவனமும் விழிப்புணர்வும் அவசியம்.

பதவி யோகம்

பத்தாம் வீட்டிற்கு வரப்போகும் சுக்கிரனால் சிலருக்கு வேலையில் புரமோசன் கிடைக்கவும் வாய்ப்பு உள்ளது. புதிய வேலைக்காக முயற்சி செய்யலாம் நல்ல வேலை கிடைக்கும். சுப காரியங்கள் நடைபெறுவதில் இருந்த தடைகள் நீங்கும். உடல் ஆரோக்கியம் நன்றாக இருக்கும். மனக்கவலைகள் நீங்கும். சகோதர சகோதரிகளால் சந்தோஷம் அதிகரிக்கும். விருந்து விஷேசங்களில் பங்கேற்பீர்கள். எந்த காரியத்தையும் தைரியத்துடன் செய்து முடிப்பீர்கள். பேசும் வார்த்தைகளில் கவனம் தேவை. மனக்குழப்பம் நீங்கும்.

பண வருமானம்

தொழில் மூலதனம் செய்வதற்குத் தேவையான பணம் கிடைக்கும். மாணவர்களின் கல்வியில் திறமை பளிச்சிடும். நிறைய மதிப்பெண் வாங்குவீர்கள். மனக்கவலை நீங்கி நிம்மதி அதிகரிக்கும். கணவன் மனைவிக்கு இடையே நெருக்கம் கூடும். புதிய விசயங்கள் தொடர்பாக பேசி முடிவு செய்வீர்கள். திறமையாக பேசி காரியங்களில் வெற்றி பெறுவீர்கள்.

ஆரோக்கியம் அதிகரிக்கும்

பழைய கடன் பாக்கிகள் வசூலாகும். வங்கி சேமிப்பு உயரும். நோய்கள் நீங்கி ஆரோக்கியம் அதிகரிக்கும். சகோதரர் மூலம் நீண்ட நாட்களாக எதிர்பார்த்த செய்திகள் தேடி வரும். பண விவகாரங்களில் வாக்கு கொடுத்து மாட்டிக்கொள்ள வேண்டாம். பேசும் முன்பு ஒருமுறைக்கு இருமுறை யோசித்து பேசவும். குடும்பத்தில் சின்னச் சின்ன பிரச்சினைகள் தலைதூக்கினாலும் எளிதில் சரியாகும்.

Published On February 9, 2022