இந்த வருஷம் தான் நீங்க அரியணை ஏற போகிற வருஷம்.. மீன ராசிக்கான தமிழ் புத்தாண்டு பலன்!

சென்னை: தமிழ் புத்தாண்டு இன்று பிறந்துள்ள நிலையில் மீன ராசிகளுக்கு என்ன மாதிரியான பலன் கிடைக்கும் என்று பார்க்கலாம். அதோடு மீன ராசிக்காரர்களின் ராசிபகவான், குருபகவான் மே 1ம் தேதி உங்களின் மூன்றாம் வீட்டிற்கு இடப்பெயர்ச்சி அடையப்போகிறார். இதன் காரணமாக இந்த வருட பலன் பெரிய அளவில் மாற்றம் அடையும்.

ஜோதிடத்தில் சில கிரகங்களில் நகர்வு என்பது மிக மிக முக்கியமானதாக பார்க்கப்படுகிறது. அதிலும் சனி, ராகு, கேது, குரு பெயர்ச்சிகள் அதீத முக்கியத்துவத்துடன் பார்க்கப்படும். குரு பெயர்ச்சி நடக்கும் போதெல்லாம் பல ராசிகளுக்கு வாழ்க்கை அப்படியே பாசிட்டிவாக மாறிய சம்பங்கள் நடந்துள்ளன.

குரு பெயர்ச்சி + தமிழ் புத்தாண்டு இரண்டு சேர்ந்து மீன் ராசிக்கு பல விதமான பலன்களை கொடுக்க போகிறது. தமிழ் வருடங்கள் மொத்தம் 60 வருடங்களாக பிரிக்கப்பட்டு உள்ளன. இந்த 60 வருடங்கள் மாறி மாறி சுழற்சியில் வருவது வழக்கம். இதில் முப்பத்தெட்டாவது வருடமான குரோதி வருடம்தான் இப்போது பிறக்க போகும் வருடம். இந்த புத்தாண்டில் கேது, ராகு, சுக்கிரன் சஞ்சரிக்கும் இடங்களை பொறுத்து உங்களின் பலன் மாறும். அதிலும் இந்த வருடத்தில் மே 1ம் தேதி குரு பெயர்ச்சி வேறு இருக்கிறது.

இந்த தமிழ் புத்தாண்டை அடுத்து மீன ராசிக்கு என்ன மாதிரியான பலன்கள் ஏற்படும், அவர்களுக்கு வாழ்க்கை எப்படி எல்லாம் மாறும் என்று இங்கே பார்க்கலாம்.

நல்லதே நடக்கும்: புரமோசன் கிடைக்கும். கேட்ட இடத்திற்கு இடமாற்றம் கிடைக்கும். வெளிநாடு செல்லும் வாய்ப்பு உண்டாகும். அப்பா உடன் இருந்த பிணக்கு சரியாகும். குடும்பத்தில் இருந்த மனஸ்தாபங்கள் தீரும்.

படிப்பில் நிலவிய பிரச்சனைகள் சரியாகும்.வியாபாரம், தொழிலில் நல்ல முன்னேற்றம் கிடைக்கும்.உங்கள் தங்கை, அக்காவின் குடும்ப வாழ்க்கையில் ஏற்பட்ட பிரச்சனைகள் கூட சரியாகும்.

திருமண வாழ்க்கையில் நிலவிய பிரச்சனைகள் சரியாகும் . இத்தனை காலம் மன வாழ்க்கையில் நிலவிய மோதல்கள் முடிவிற்கு வரும். மீண்டும் கணவன் மனைவி ஒன்றாக வாழும் வாய்ப்பு கிடைக்கும்.

மீன ராசிக்கு பாதகமாக போகும் விஷயங்கள்: இரண்டாவது, மூன்றாவது குழந்தைக்கு வாய்ப்பு உள்ளது. ஆனால் குழந்தை பிறப்பில் சிக்கல்கள் ஏற்படலாம். அரசியலில் இருப்பவர்கள் கவனமாக இருக்கவும். உங்கள் பதவிகள் காலியாகும் வாய்ப்புகள் அதிகம் உள்ளன.

அடிக்கடி வாந்தி, மயக்கம் ஏற்படும் வாய்ப்புகள் உள்ளன. வயிறு தொடர்பான பிரச்சனைகள் ஏற்படலாம். உடல் ஆரோக்கியத்தில் பிரச்சனைகள் ஏற்படலாம். மன ஆரோக்கியம் சரியாகும். ஆனாலும் முன்பு மோசமாக இருந்த மன ஆரோக்கியம் காரணமாக.. ஏற்பட்ட உடல் பாதிப்புகள் தொடரும்.

English summary

Tamil New Year Rasi Palan 2024: What will happen for Meena RashI?