பிக் ப்ராஜெக்ட்.. சென்னையின் அடையாளத்தையே மாற்ற போகும் திட்டம் இது.. வெளியான மேஜர் அறிவிப்பு!
சென்னை: சென்னையில் 21 கிலோமீட்டர் தூரத்திற்கு துறைமுகம்-மதுரவாயல் இடையே இரட்டை அடுக்கு உயர்மட்ட சாலை அமைக்கும் பணி 2027 ஜனவரியில் முடியும் என்று தகவல் வெளியாகி உள்ளது. 2026 மே மாதம் இதன் பணிகள் முடிய இருந்தது.
ஆனால் மழை, கூவத்தில் செய்யப்படும் பணிகளில் சில தாமதங்கள் காரணமாக இந்த சாலை அமைக்கும் பணிகள் தாமதம் ஆகி உள்ளது. ஆனாலும் 2027 ஜனவரியில் இதன் பணிகள் முடிய உள்ளது. தற்போது துரிதமாக நடைபெற்று வருகிறது. 20 வருடங்களுக்கும் மேலாக முடங்கி கிடந்த பணிகள் தற்போது மிக தீவிரமாக நடந்து வருகிறது. எதிர்பார்த்ததை விட வேகமாக இதன் பணிகள் நடந்து வருகின்றன. இத்திட்டம் குறித்து சமீபத்திய தகவல்கள் வெளியாகியுள்ளன.
துறைமுகம் - மதுரவாயல் சாலைத் திட்டத்தின் விவரங்கள்
துறைமுகம்-மதுரவாயல் சாலைத் திட்டம் என்பது, சென்னை துறைமுகம் மற்றும் மதுரவாயல் ஆகிய பகுதிகளை இணைக்கும் இரு அடுக்கு மேம்பாலங்களை அமைப்பதை நோக்கமாகக் கொண்டது. நகரின் போக்குவரத்து நெரிசலைக் குறைப்பதும், துறைமுகத்தில் சரக்கு போக்குவரத்து எளிதாக்குவதும் இத்திட்டத்தின் முக்கிய நோக்கங்களாகும். இது சரக்கு போக்குவரத்து நேரத்தைக் கணிசமாகக் குறைத்து, நகரின் ஒட்டுமொத்த போக்குவரத்து சுமையைப் பெருமளவு நீக்கும்.
தற்போது திட்டப் பணிகள் தீவிரமடைந்துள்ளன. ஒப்பந்ததாரர்கள் காலக்கெடுவுக்குள் பணிகளை முடிக்க முனைப்புடன் செயல்படுகின்றனர். நவீன தொழில்நுட்பங்களைப் பயன்படுத்தி, சாலையின் தரம் மற்றும் நீண்ட கால உழைப்பு உறுதி செய்யப்படுகிறது. இது சென்னை நகரத்தின் போக்குவரத்து உட்கட்டமைப்பை மேம்படுத்தும் ஒரு முக்கிய படியாகக் கருதப்படுகிறது.
துறைமுகம் - மதுரவாயல் உயர்மட்ட பாலம்
இத்திட்டத்தின் ஒரு பகுதியாக, சென்னையின் முதல் கம்பிவழிப் பாலம் நேப்பியர் பாலம் அருகே அமையவுள்ளது. சென்னை மெட்ரோ ரயில் பாதை மற்றும் தரைப்பாலங்களுக்கு மேலாக கோயம்பேடு மற்றும் மதுரவாயல் ஆகிய இரு இடங்களிலும் மேலும் இரண்டு கம்பிவழிப் பாலங்கள் கட்டப்படவுள்ளன.
தேசிய நெடுஞ்சாலை ஆணைய (NHAI) வட்டாரங்களின்படி, ஒவ்வொரு பாலமும் 300 மீட்டர் நீளமும், 75 மீட்டர் இடைவெளியும் கொண்டிருக்கும். இந்த மூன்று கம்பிவழிப் பாலங்களின் மொத்த கட்டுமானச் செலவு ₹180 கோடி என மதிப்பிடப்பட்டுள்ளது. சுவாமி சிவானந்தா சாலையைக் கடக்கும் இடத்தில் அமையவுள்ள மேம்பாலம் ஒரே ஒரு தூணைக் கொண்டிருக்கும்.
துறைமுகம் - மதுரவாயல் - சிறப்பான திட்டம்
பிப்ரவரி 2027க்குள் இந்த மேம்பாலப் பணிகள் நிறைவடையும் என எதிர்பார்க்கப்படுகிறது. பாரத்மாலா பரியோஜனா திட்டத்தின் கீழ் மொத்தம் 4,842 குவியல்கள் அமைக்கப்படவுள்ளன. இதில், சுமார் 30% பணிகள் ஏற்கனவே முடிவடைந்துள்ளன. நான்கு வழித்தட மேம்பாலத்திற்கான பொறியியல் கொள்முதல் கட்டுமான முறை ஒப்பந்தம் செப்டம்பர் 11, 2023 அன்று கையெழுத்தானது. நவம்பர் 23, 2023 அன்று இதற்கான பணி ஆணை வழங்கப்பட்டது. இந்த திட்டத்தில் நான்கு தொகுப்புகள் உள்ளன.
மேம்பாலத்தின் மேல்தளத்திற்கான 9,425 கட்டமைப்புகள் இரண்டு வெவ்வேறு இடங்களில் தயாரிக்கப்பட்டு வருகின்றன. மேம்பாலத்தின் ஒரு தளத்தில் ஆறு வெளியேறும் வழிகளும், ஏழு நுழைவுப் புள்ளிகளும் இருக்கும். மற்றொரு தளம் சென்னை துறைமுகத்தை மதுரவாயலுடன் நேரடியாக இணைக்கும் வகையில் வடிவமைக்கப்பட்டுள்ளது. இத்திட்டம், நகரின் போக்குவரத்து அமைப்பில் ஒரு குறிப்பிடத்தக்க மேம்பாட்டை ஏற்படுத்தும் என எதிர்பார்க்கப்படுகிறது.
Click it and Unblock the Notifications
Sign in with Google