தனுஷின் D55 படத்தின் அப்டேட்டை அதிகாரப்பூர்வமாக வெளியிட்ட பட குழு.. ஆரம்பமே சும்மா அதிருதே

Updated: Thursday, January 22, 2026, 19:09 [IST]

Subscribe to Oneindia Tamil

சென்னை: நடிகர் தனுஷை மையமாக வைத்து உருவாகும் புதிய பட அறிவிப்பு ரசிகர்களிடையே எதிர்பார்ப்பை ஏற்படுத்தியுள்ளது. RTake Studios மற்றும் Wunderbar Films இணைந்து தயாரிக்கும் இந்த புதிய படம், தற்காலிகமாக D55 என்ற பெயரில் உருவாக இருக்கிறது. இப்படத்தில் தனுஷ் கதாநாயகனாக நடிக்க, இயக்குநர் ராஜ்குமார் பெரியசாமி இயக்க உள்ளார்.

இந்தப் படம் குறித்து தயாரிப்பு நிறுவனங்கள் வெளியிட்டுள்ள அறிக்கையில், இந்தப் பிரமாண்டமான படத்தை தயாரிப்பதில் மிகுந்த பெருமையும் மரியாதையும் அடைகிறோம் என்று தெரிவித்துள்ளன. தமிழ் சினிமாவில் தனித்துவமான படைப்புகளை வழங்கி வரும் இரு நிறுவனங்களும், இந்த முறை ஒரு பெரிய கதை மற்றும் வலுவான தொழில்நுட்ப குழுவுடன் இணைகின்றன என்பது குறிப்பிடத்தக்கது.

தனுஷ் தற்போது தொடர்ந்து வித்தியாசமான கதைகளில் நடித்து வருகிறார். நடிகராக மட்டுமல்லாமல் தயாரிப்பாளராகவும் அவர் தனி அடையாளம் பதித்துள்ள நிலையில், D55 படம் அவரது கேரியரில் இன்னொரு முக்கிய படமாக இருக்கும் என எதிர்பார்க்கப்படுகிறது. அதேபோல், இயக்குநர் ராஜ்குமார் பெரியசாமி, உணர்வுப்பூர்வமான கதை சொல்லலுக்கு பெயர் பெற்றவர். தனுஷுடன் அவரது கூட்டணி எப்படி அமையும் என்பதை ரசிகர்கள் ஆவலுடன் எதிர்பார்த்து காத்திருக்கிறார்கள்.

இந்தப் படம் ஒரு பெரிய அளவில் தயாராக உள்ளதாகவும், வலுவான படைப்புக் குழு இதில் இணைந்துள்ளதாகவும் தயாரிப்பு தரப்பில் தெரிவிக்கப்பட்டுள்ளது. அதனால், வழக்கமான வணிக சினிமாவை தாண்டி, ஒரு தாக்கம் ஏற்படுத்தும் கதையுடன் படம் வரும் என்ற எதிர்பார்ப்பு உருவாகியுள்ளது.

இப்படம் இந்த ஆண்டின் இறுதியில் வெளியிட திட்டமிடப்பட்டுள்ளது. தற்போது நடிகர்கள் தேர்வு, தொழில்நுட்ப குழு மற்றும் படப்பிடிப்பு தொடர்பான முழு விவரங்கள் விரைவில் அறிவிக்கப்படும் என்று கூறப்பட்டுள்ளது.

மொத்தத்தில், RTake Studios - Wunderbar Films - தனுஷ் - ராஜ்குமார் பெரியசாமி ஆகியோரின் இந்த கூட்டணி, இந்த ஆண்டின் அதிகம் எதிர்பார்க்கப்படும் தமிழ் படங்களில் ஒன்றாக D55-ஐ மாற்றியுள்ளது. படத்தின் அடுத்தடுத்த அப்டேட்களை ரசிகர்கள் ஆவலுடன் எதிர்பார்த்து காத்திருக்கிறார்கள்.