மீண்டு(ம்) வரும் பாரதிராஜா.. நன்றி மறக்காத இயக்குநர்! ரசிகர்களின் வேண்டுதல் நிறைவேறியது! நெகிழ்ச்சி காட்சி
சென்னை: தமிழ் சினிமாவில் "இயக்குநர் இமயம்" என மதிக்கப்படும் பாரதிராஜா குறித்து சமீபத்தில் வெளியாகியுள்ள தகவல்கள் ரசிகர்களுக்கு மகிழ்ச்சியை கொடுத்திருக்கிறது. சில மாதங்களுக்கு முன்பு உடல்நிலை சரியில்லாமல் பல நாட்கள் ஐசியூவில் சிகிச்சை பெற்று வந்த பாரதிராஜா இப்போது உடல்நிலை தேறி வருவது குறித்து இயக்குனர் பேரரசு நெகிழ்ச்சி பதிவு வெளியிட்டிருக்கிறார்.
பாரதிராஜாவின் உடல்நிலை
பாரதிராஜாவுக்கு கடந்த டிசம்பர் மாதம் திடீரென உடல்நலக்குறைவு ஏற்பட்டதால் சென்னை நகரிலுள்ள தனியார் மருத்துவமனையில் அவர் அனுமதிக்கப்பட்டார். மூச்சுத்திணறல் காரணமாக மேற்கொள்ளப்பட்ட பரிசோதனையில் நுரையீரல் தொற்று இருப்பது தெரியவந்தது. இதையடுத்து அவர் தீவிர சிகிச்சைப் பிரிவில் வைத்து மருத்துவர்களின் கண்காணிப்பில் சிகிச்சை அளிக்கப்பட்டது. இந்த செய்தி வெளியானவுடன் திரையுலகமும் ரசிகர்களும் அதிர்ச்சியடைந்தனர். பல முன்னணி நடிகர்கள், இயக்குநர்கள் நேரில் சென்று நலம் விசாரித்ததும் குறிப்பிடத்தக்கது.
வருத்தத்தில் ரசிகர்கள்
அந்த காலகட்டத்தில் மருத்துவமனையில் இருந்து வெளியான சில புகைப்படங்கள் சமூக வலைத்தளங்களில் வேகமாக பரவி, பாரதிராஜாவின் மெலிந்த தோற்றத்தை பார்த்த ரசிகர்கள் மனம் உடைந்தனர். ஆனால் தொடர்ந்து கிடைத்த சிகிச்சைக்கு பிறகு அவர் உடல்நிலை மேம்பட்டு வீடு திரும்பியதாக வந்த தகவல் அனைவருக்கும் பெரும் நிம்மதியை அளித்தது.
இயக்குனர் பேரரசு சந்திப்பு
இந்த நிலையில், இயக்குநர் பேரரசு நேரில் சென்று பாரதிராஜாவை சந்தித்து நலம் விசாரித்துள்ளார். அவர்களிருவரும் இணைந்து எடுத்த புகைப்படம் தற்போது இணையத்தில் வைரலாகி வருகிறது. அந்தப் புகைப்படத்தை பார்த்த ரசிகர்கள், "இவர் மீண்டும் பழைய உற்சாகத்துடன் திரும்பி வர வேண்டும்" என்று மனமார்ந்த வாழ்த்துகளை தெரிவித்து வருகின்றனர். பாரதிராஜாவிற்கு வீட்டிலேயே சிகிச்சை நடந்து கொண்டுதான் இருக்கிறது ஆனாலும் அவருடைய உடல் நிலையில் நல்ல மாற்றம் தெரிகிறதாம்.
சினிமா பயணம்
பாரதிராஜா தமிழ் சினிமாவிற்கு செய்த பங்களிப்பு அளவிட முடியாதது. 16 வயதினிலே, முதல்வன், கருத்தம்மா, அலைகள் ஓய்வதில்லை போன்ற படங்கள் மூலம் கிராமத்து மனிதர்களின் உணர்வுகள், காதல், சமூக பிரச்சினைகள் ஆகியவற்றை இயல்பாக திரையில் காட்டி புதிய பாதையை உருவாக்கினார். முக்கியமாக பல புதிய முகங்களை திரையுலகிற்கு அறிமுகப்படுத்தியவர் என்ற பெருமையும் அவருக்கு உண்டு. ராதிகா, ரேவதி, கார்த்திக், பாக்கியராஜ் போன்ற பலர் அவரால் தான் பெரிய அளவில் வளர்ந்தவர்கள் என்று சொல்லப்படுவது வழக்கம்.
ஆனால் அவரது வாழ்க்கையில் ஏற்பட்ட சில தனிப்பட்ட துயரங்கள், குறிப்பாக மகன் இழப்பு, அவரை மனதளவில் மிகவும் பாதித்ததாக நெருக்கமானவர்கள் கூறி வருகின்றனர். அந்த சம்பவத்திற்குப் பிறகு அவரது உடல்நிலையும் பலமுறை பாதிக்கப்பட்டது என்பது உண்மை. அதனால் தான் சமீபத்திய உடல்நல பிரச்சனை ரசிகர்களுக்கு கூடுதல் கவலையை ஏற்படுத்தியது.
இருப்பினும் தற்போது அவர் சிகிச்சைக்கு பின் மெதுவாக உடல் நலத்தை மீட்டுக் கொண்டுவருகிறார் என்ற தகவல்கள் நம்பிக்கையை அளிக்கின்றன. "நம்ம பாரதிராஜா சார் மீண்டும் பழையபடி திரும்பி வந்து படங்களில் நடிக்கணும், இயக்கணும்" என்பதே ரசிகர்களின் ஒரே வேண்டுகோள்.
தமிழ் சினிமாவுக்கு தனி அடையாளம் கொடுத்த அந்த கலைஞர் மீண்டும் முழு உடல்நலத்துடன் திரும்பி வர வேண்டும் என்ற எதிர்பார்ப்பில் ரசிகர்கள் காத்திருக்கிறார்கள்.
Click it and Unblock the Notifications
Sign in with Google