Jana nayagan Trailer: இனி திரும்பி போற ஐடியா இல்ல! ஜனநாயகன் டிரைலரில் விஜய் பஞ்ச்! ரசிகர்கள் கருத்தை பாருங்க

Updated: Saturday, January 3, 2026, 19:29 [IST]

Subscribe to Oneindia Tamil

சென்னை: விஜய் நடிப்பில், இயக்குநர் ஹெச்.வினோத் இயக்கத்தில் உருவாகியுள்ள 'ஜனநாயகன்' திரைப்படம் வரும் ஜனவரி 9ஆம் தேதி உலகம் முழுவதும் திரையரங்குகளில் வெளியாக உள்ளது. படத்தின் டிக்கெட் முன்பதிவு ஏற்கனவே விறுவிறுப்பாக நடைபெற்று வரும் நிலையில், இன்று வெளியான ட்ரெய்லர் ரசிகர்களிடையே பெரும் எதிர்பார்ப்பையும் உற்சாகத்தையும் உருவாக்கியுள்ளது.

'ஜனநாயகன்' ட்ரெய்லர் வெளியான சில நிமிடங்களிலேயே சமூக வலைதளங்களில் வேகமாக ட்ரெண்டாக தொடங்கியது. விஜய்யின் எனர்ஜி, அரசியல் பின்னணி கொண்ட காட்சிகள், தீவிரமான வசனங்கள் ஆகியவை ரசிகர்களை வெகுவாக கவர்ந்துள்ளதாக கூறப்படுகிறது. "இதுதான் நம்ம தளபதி படம்", "மாஸ் + மெசேஜ் சரியான கலவை" போன்ற கருத்துகள் ரசிகர்களிடையே அதிகமாக பகிரப்பட்டு வருகின்றன.

ட்ரெய்லருக்கு ரசிகர்கள் வரவேற்பு

ட்ரெய்லரைப் பார்த்த ரசிகர்கள் பலரும், இது முழுக்க முழுக்க 'தளபதி விஜய்க்கான' படம் என்று கருத்து தெரிவித்து வருகின்றனர். அதே நேரத்தில், ஹெச்.வினோத் முன்பே கூறியிருந்த அரசியல் சார்ந்த அணுகுமுறை, ட்ரெய்லரில் தெளிவாக வெளிப்படுவதாக ரசிகர்கள் குறிப்பிடுகின்றனர். சில காட்சிகளில் 'பகவந்த் கேசரி' படத்தின் சாயல் இருப்பதாக பேசப்பட்டாலும், 'ஜனநாயகன்' தனக்கென ஒரு அடையாளத்தை உருவாக்கும் வகையில் இருப்பதாகவும் ரசிகர்கள் நம்பிக்கை தெரிவிக்கின்றனர்.

ரசிகர்களின் உணர்ச்சி

விஜய் அரசியலில் முழுமையாக கவனம் செலுத்த உள்ளதாக அறிவிக்கப்பட்டுள்ளதால், 'ஜனநாயகன்' அவரது கடைசி படம் என்ற தகவலும் ரசிகர்களை உணர்ச்சிவசப்படுத்தியுள்ளது. "ஒரு எமோஷனல் குட்பை", "One Last Dance" போன்ற வார்த்தைகள் ரசிகர் கருத்துகளில் அதிகமாக இடம் பெற்றுள்ளன. அதே நேரத்தில், தேர்தல் முடிவுகளுக்குப் பிறகு விஜய் மீண்டும் நடிப்பில் திரும்பலாம் என்ற நம்பிக்கையும் ஒரு தரப்பினரிடம் நிலவுகிறது.

அதுபோல பல இடங்களில் அரசியல் வசனங்கள் பேசி இருப்பதும் பலராலும் பாராட்டப்படுகிறது அதிலும் ஒரு இடத்தில் "இனி திரும்பி போற ஐடியா இல்ல" என்று விஜய் சொல்ல, இதைத்தான் நாங்கள் எதிர்பார்த்தோம் தலைவா என்று பலர் ஃபயர் விட்டு வருகிறார்கள்.

நட்சத்திர பட்டாளமும் பிரமாண்ட தயாரிப்பும்

படத்தில் விஜய்யுடன் பூஜா ஹெக்டே, மமிதா பைஜு, பாபி தியோல் உள்ளிட்டோர் நடித்துள்ளனர். அனிருத் இசையமைத்துள்ள பாடல்கள் மற்றும் பின்னணி இசை ட்ரெய்லரிலேயே கவனம் ஈர்த்துள்ளது. கேவிஎன் நிறுவனம் பிரமாண்ட பட்ஜெட்டில் தயாரித்துள்ள இந்த படம், தொழில்நுட்ப ரீதியாகவும் தரமான அனுபவம் தரும் என எதிர்பார்க்கப்படுகிறது.

பிஸ்னஸில் சாதனை

'ஜனநாயகன்' படத்தின் ப்ரீ-பிஸ்னஸ் விவரங்கள் ஏற்கனவே சினிமா வட்டாரத்தில் பேசுபொருளாகி உள்ளது. ஓடிடி, சாட்டிலைட், ஆடியோ உரிமங்கள் உள்ளிட்டவற்றின் மூலம் படம் இதுவரை சுமார் 200 கோடி ரூபாய் வரை வசூலித்துள்ளதாக தகவல்கள் தெரிவிக்கின்றன. இதனால், திரையரங்கு வசூலிலும் படம் புதிய சாதனைகள் படைக்கும் என்ற நம்பிக்கை ரசிகர்களிடையே அதிகரித்துள்ளது.

மற்ற சேனல்களிலும் பாராட்டு

மற்ற சினிமா சேனல்கள் மற்றும் விமர்சகர்கள் பலரும், 'ஜனநாயகன்' ட்ரெய்லரை விஜயின் அரசியல் பயணத்துடன் இணைத்து பாராட்டி வருகின்றனர். "விஜய் ரசிகர்களுக்கான விருந்து", "மாஸ் ஹீரோவின் மெச்சூரான அரசியல் உருவம்" போன்ற கருத்துகள் தொடர்ந்து வெளிவருகின்றன.

எதிர்பார்ப்பின் உச்சத்தில் ஜனநாயகன்

மொத்தத்தில், 'ஜனநாயகன்' ட்ரெய்லர் விஜய் ரசிகர்களின் எதிர்பார்ப்பை பல மடங்கு உயர்த்தியிருக்கிறது. அரசியல், மாஸ், உணர்ச்சி என அனைத்தையும் இணைக்கும் ஒரு முழுமையான தளபதி படமாக இது இருக்கும் என்ற நம்பிக்கையுடன் ரசிகர்கள் ஜனவரி 9ஆம் தேதியை ஆவலுடன் எதிர்நோக்கி காத்திருக்கின்றனர்.