Kombu Seevi OTT: ஓடிடியில் வந்த கொம்பு சீவி திரைப்படம்.. எதில், எப்போது பார்க்கலாம்? வெளியான தகவல்

சென்னை: பொன்ராம் இயக்கத்தில், மறைந்த கேப்டன் விஜயகாந்தின் மகன் சண்முக பாண்டியன் நடித்துள்ள 'கொம்பு சீவி' திரைப்படத்தின் ஓடிடி ரிலீஸ் குறித்த தகவல் தற்போது வெளியாகி உள்ளது. திரையரங்குகளில் கலவையான விமர்சனங்களை பெற்ற இந்த படம், ஓடிடி தளத்தில் வெளியாகும் என்பதால் மீண்டும் கவனம் பெற தொடங்கியுள்ளது.

கடந்த டிசம்பர் 19ஆம் தேதி திரையரங்குகளில் வெளியான 'கொம்பு சீவி' திரைப்படத்தில், நடிகர் சரத்குமார் முக்கிய கதாபாத்திரத்தில் நடித்துள்ளார். கிராமத்தின் பெரிய மனிதராக வெளியில் நல்லவர் போல தோன்றும் அவரது கதாபாத்திரம், உள்ளுக்குள் கஞ்சா கடத்தல், மீன் கடத்தல் போன்ற சட்டவிரோத செயல்களில் ஈடுபடுவது போல வடிவமைக்கப்பட்டுள்ளது. அதே சமயம், அந்த பணத்தை ஊர் மக்களின் நலனுக்காக பயன்படுத்தும் ஒரு இரட்டை முகம் கொண்ட மனிதராக சரத்குமார் இந்த படத்தில் வருகிறார்.

சண்முக பாண்டியன், சரத்குமாரை தந்தை போன்ற ஒருவராக மதித்து காப்பாற்றும் இளைஞராக நடித்துள்ளார். இவர்களுக்கிடையே உருவாகும் பாசம், நம்பிக்கை மற்றும் ஊருக்காக எதையும் செய்யத் தயாராக இருக்கும் மனநிலை தான் படத்தின் மையம். வெள்ளம், வறுமை, மக்கள் சந்திக்கும் அன்றாட பிரச்சனைகளுக்கு தீர்வு காண வேண்டும் என்ற நோக்கத்தில் நடைபெறும் ஐந்து கோடி ரூபாய் டீல், அதனால் ஏற்படும் சிக்கல்கள், போலீஸ் வலை மற்றும் அதிலிருந்து அவர்கள் தப்பிக்கிறார்களா இல்லையா என்பதே மீதிக் கதையாக அமைந்துள்ளது.

படத்தில் சண்முக பாண்டியன் முந்தைய படங்களை விட சற்று மெருகேறிய நடிப்பை வெளிப்படுத்தியிருந்தாலும், வலுவற்ற திரைக்கதை காரணமாக ரசிகர்களிடையே படம் பெரிய அளவில் தாக்கத்தை ஏற்படுத்தவில்லை. இதன் பிரதிபலிப்பாக பாக்ஸ் ஆபீஸிலும் எதிர்பார்த்த வசூல் கிடைக்கவில்லை.

முதல் இரண்டு நாட்களில் சுமார் 30 லட்சம் ரூபாய், மூன்றாவது நாளில் 36 லட்சம் ரூபாய், நான்காவது நாளில் 25 முதல் 30 லட்சம் ரூபாய் வரை வசூல் செய்த படம், அதன் பின்னர் வசூலில் சரிவை சந்தித்து வணிக ரீதியாக தோல்வி படமாக அமைந்தது.

இந்நிலையில் தற்போது வெளியாகியுள்ள தகவல்படி, 'கொம்பு சீவி' திரைப்படம் ஜனவரி 23ஆம் தேதி டெண்ட்கொட்டா (Tentkotta) ஓடிடி தளத்தில் வெளியாக உள்ளது. திரையரங்குகளில் மிஸ் செய்த ரசிகர்களும், குடும்ப பார்வையாளர்களும் ஓடிடியில் இந்த படத்தை பார்க்க ஆர்வம் காட்டுவார்கள் என எதிர்பார்க்கப்படுகிறது.

ஓடிடி ரிலீஸுக்குப் பிறகு 'கொம்பு சீவி' திரைப்படம் புதிய பார்வையாளர்களை ஈர்த்து, மறுபடியும் பேசுபொருளாக மாறுமா என்பதே தற்போது சினிமா வட்டாரங்களில் எதிர்பார்ப்பாக உள்ளது.

English summary

Kombu Seevi OTT: Kombu Seevi, directed by Ponram and starring Shanmuga Pandian, the son of late actor Captain Vijayakanth, is gearing up for its OTT release after a modest theatrical run. Released in cinemas on December 19, the film received mixed reviews and underperformed at the box office due to a weak screenplay, despite showing improvement in Shanmuga Pandian’s performance. Veteran actor Sarathkumar played a key role as a village leader with a dual personality, appearing noble on the outside while secretly engaging in illegal activities for the welfare of the villagers. The story revolves around trust, loyalty, and a high-stakes deal worth Rs 5 crore, followed by police pressure and moral dilemmas. According to the latest reports, Kombu Seevi will premiere on the Tentkotta OTT platform on January 23, where it is expected to find a wider audience among family viewers and those who missed it in theatres.