Nayanthara and Trisha: ஒன்று சேர்ந்த நயன்தாரா, திரிஷா.. பிரேமை பாருங்க..! குவியுது கமெண்ட்ஸ்

Updated: Monday, January 19, 2026, 18:41 [IST]

Subscribe to Oneindia Tamil

சென்னை: சோசியல் மீடியாவில் தற்போது அதிகமாக பேசப்பட்டு வரும் ஒரு விஷயம் என்னவென்றால், நடிகைகள் நயன்தாரா மற்றும் திரிஷா இருவரும் சேர்ந்து எடுத்துக் கொண்ட புகைப்படங்கள்தான். நயன்தாரா தனது அதிகாரப்பூர்வ எக்ஸ் (X) சமூக வலைதள பக்கத்தில் பகிர்ந்துள்ள அந்த புகைப்படங்கள் வெளியான சில மணி நேரங்களிலேயே வைரலாகி, ரசிகர்கள் மத்தியில் பெரும் கவனத்தை பெற்றுள்ளன.

புகைப்படங்களில் நயன்தாரா - திரிஷா இருவரும் மிகவும் நெருக்கமாக, இயல்பான புன்னகையுடன் காணப்படுவது தான் ரசிகர்களை அதிகமாக கவர்ந்துள்ளது. "குயின் ஆஃப் ஹார்ட்ஸ் & எவர்கிரீன் பியூட்டி ஒரே ஃப்ரேம்ல" என ரசிகர்கள் கருத்துகளை குவித்து வருகின்றனர். பல ரசிகர் பக்கங்களில் இந்த புகைப்படங்கள் தொடர்ந்து பகிரப்பட்டு, ஆயிரக்கணக்கான லைக்குகள் மற்றும் கமெண்ட்ஸ்களை பெற்றுவருகின்றன.

இந்த வைரலுக்கு ஒரு முக்கிய காரணம், முன்பு நயன்தாரா அளித்த பேட்டிகளில், "திரிஷா எனக்கு நெருங்கிய தோழி எல்லாம் கிடையாது" என்று அவர் கூறியிருந்தது. அந்த பழைய பேச்சுகளை நினைவுபடுத்திக் கொண்ட ரசிகர்கள், "அப்படிச் சொன்ன நயன்தாராவே இப்போது இவ்வளவு நெருக்கமாக புகைப்படம் வெளியிட்டிருக்கிறார்" என்று ஆச்சரியத்துடன் விவாதித்து வருகின்றனர். இதனால் தான் இந்த புகைப்படங்களுக்கு கூடுதல் கவனம் கிடைத்துள்ளதாக சொல்லப்படுகிறது.

ரசிகர்கள் தரப்பில், "போட்டி எல்லாம் வெளியில்தான்... உள்ளுக்குள்ள மரியாதை இருக்கு" , "இரண்டு தலைமுறைகளின் டாப் ஹீரோயின்கள் ஒரே ஃப்ரேம்ல - இதுதான் மாஸ்", "சினிமாவைத் தாண்டிய நட்புக்கு இது ஒரு நல்ல உதாரணம்" போன்ற கருத்துகள் அதிகமாக பதிவாகி வருகின்றன.

ஒருபக்கம் நயன்தாரா - திரிஷா இருவரும் தனித்தனி ரசிகர் கூட்டங்களை கொண்ட முன்னணி நடிகைகளாக இருந்தாலும், இந்த ஒரே புகைப்படம் மூலம் 'எதிரிகள்' என்ற இமேஜை முற்றிலுமாக உடைத்து, பரஸ்பர மரியாதையும் நல்ல உறவையும் வெளிப்படுத்தியுள்ளனர் என்று ரசிகர்கள் பேசத் தொடங்கியுள்ளனர்.

அதுபோல சிலர், ஒரு காமெடி வருமே நயன்தாரா இல்லனா திரிஷா என்று அதேபோல நயன்தாராவும் திரிஷாவும் ஒரே ஃபேமிலி இருக்காங்க... யாரு பெஸ்ட்ன்னு சொல்லுங்க பாப்போம் என்றும் கமெண்ட் கொடுத்து இருக்கின்றனர்.

மொத்தத்தில், நயன்தாரா வெளியிட்ட இந்த ஒரு போஸ்ட், பழைய கருத்துகள், புதிய நெருக்கம், ரசிகர்களின் உணர்ச்சி என அனைத்தையும் ஒன்றாகக் கலக்கி, சோசியல் மீடியாவில் ஒரு சுவாரஸ்யமான பேசுபொருளாக மாறி இருப்பது குறிப்பிடத்தக்கது.