Revolver Rita Review: ரிவால்வர் ரீட்டா விமர்சனம்.. துப்பாக்கியை பிடித்த கீர்த்தி சுரேஷ் நிலைமை என்ன? வாங்க பார்க்கலாம்!

சென்னை: இந்த வாரம் தியேட்டரில் வெளியான படங்களில் அதிகமான எதிர்பார்ப்பு ஏற்படுத்திய ரிவால்வர் ரீட்டா படம் பற்றிய ட்விட்டர் ரிவ்யூ பார்க்கலாம் வாங்க. இந்த படத்தை சந்துரு இயக்கி இருக்கிறார். இவர் வெங்கட் பிரபு இயக்கிய சென்னை 28, மாநாடு உட்பட பல படங்களில் துணை இயக்குனராக பணியாற்றினார் என்பதும் குறிப்பிடத்தக்கது.

அதுபோல ரிவால்வர் ரீட்டா படத்தில் கதாநாயகியாக கீர்த்தி சுரேஷ் நடிக்க அவருக்கு அம்மாவாக ராதிகா சரத்குமார் நடித்திருக்கிறார். இவர்களோடு ரெடின் கிங்ஸ்லி, சென்ராயன், அஜய் கோஸ், ஜான் விஜய், சுரேஷ் சக்கரவர்த்தி உட்பட பலர் நடித்திருக்கிறார்கள். இந்த படம் ஒரு டார்க் காமெடி என்று இந்த படத்தின் ப்ரமோஷனிலேயே கீர்த்தி சுரேஷ் பல இடங்களில் சொல்லி இருந்தார். அவர் சொன்னது போல தான் இந்த படம் முழுக்க டார்க் காமெடியாக இருக்கிறது.

ரிவால்வர் ரீட்டா படத்தின் ப்ரோமோ வெளியானதில் இருந்து நயன்தாரா நடித்த கோலமாவு கோகிலா படத்தோடு கம்பர் பண்ணியே பேசப்பட்டது. ஆனால் படத்தை பார்க்கும்போது அந்த பீல் இல்லை என்று படத்தை பார்த்தவர்கள் போஸ்ட் போட்டிருக்கிறார்கள்.

ரிவால்வர் ரீட்டா ட்விட்டர் விமர்சனம்

இந்த படத்தின் கதை ஒரே நாளில் நடக்கும் சம்பவத்தை அடிப்படையாக வைத்து இருக்கிறது. பாண்டிச்சேரியில் குடும்பத்தோடு வசித்து வரும் கீர்த்தி சுரேஷின் (ரீட்டா) ஏரியா ரவுடியான டிராகுலா பாண்டியன் (சூப்பர் சுப்புராயன்) ரீட்டாவின் வீட்டில் எதிர்பாராத விதமாக இறந்து கிடக்கிறார். இறந்த ராகுலாவின் மகன் தன் அப்பாவை தேடி அலைந்து கொண்டிருப்பதும், அப்பாவின் இறப்புக்கு காரணமானவர்களை சும்மா விட கூடாது என்று அவருக்கு எதிரியாக இருந்தவர்களை எல்லாம் தேடிப் பிடித்து கொலை செய்கிறார்.

டிராகுலா ரீட்டா வீட்டில் இறந்து போனதால் அவர் குடும்பத்தையும் கொலை செய்வதற்கு வருபவர்களிடம் இருந்து ரீட்டா தன்னுடைய குடும்பத்தை எப்படி காப்பாற்றுகிறார் என்பதுதான் கதை. இந்த படத்தின் ஒட்டுமொத்த கதையையும் கீர்த்தி சுரேஷ் தன்னுடைய தோளில் தாங்கி இருக்கிறார். அவருடைய டைமிங் காமெடி அருமையாக இருக்கிறது அது போல் ராதிகாவின் காமெடியும் வேற லெவலில் இருக்கிறது என்று ரமேஷ் என்பவர் பதிவிட்டு இருக்கிறார்.

இன்னொரு ட்விட்டர் பயனாளர், ரிவால்வர் ரீட்டா படத்தில் கீர்த்தி சுரேஷ் தன்னுடைய காமெடியாலும் ஸ்கிரீன் பிரசன்ஸாலும் மிரட்டி இருக்கிறார். கதை அடுத்த கட்டத்தை நோக்கி நகரும் போது ஸ்மூத்தாகவும் கவனம் ஈர்க்கும் வகையிலும் இருக்கிறது, மொத்தத்தில் ரிவால்வர் ரீட்டா கீர்த்தியின் ஒன் மேன் ஷோ என பதிவிட்டு இருக்கிறார்.

எது எப்படியோ கீர்த்தி சுரேஷ் தன்னுடைய கல்யாணத்திற்கு பிறகு ரிவால்வர் ரீட்டா படத்தில் நடித்து இப்போது இந்த படமும் வெளியே வந்திருக்கிறது. கல்யாணம் முடிந்தால் ஹீரோயினிக்கு மார்க்கெட் அவுட் என்ற ஒரு நிலை முன்பு இருந்தது, ஆனால் இப்போது நயன்தாராவுக்கு அடுத்து இவரும் அதை மாற்றி இருக்கிறார். ரிவால்வர் ரீட்டா படம் எந்த அளவிற்கு மக்கள் மத்தியில் வரவேற்பு பெறுகிறது என்று பொறுத்திருந்து பார்க்கலாம்.

English summary

Revolver Rita Twitter Review: Revolver Rita, directed by Chandru, stars Keerthy Suresh and Radhika Sarathkumar in a dark comedy set entirely within a single chaotic day. The story revolves around Rita (Keerthy), whose life turns upside down when local gangster Dracula Pandian is found dead inside her home. As his son hunts down everyone responsible for his father’s death, Rita must protect her family from the killers coming after them. Twitter users highlight that although early promotions drew comparisons to Kolamaavu Kokila, the film carries its own identity. Keerthy Suresh receives major praise for her comic timing and screen presence, while Radhika’s humor is noted as an added strength. Viewers call it a “one-woman show” by Keerthy, appreciating the smooth narrative progression and entertaining dark-comedy tone. As her first film after marriage, Keerthy seems to break the old stereotype of heroines losing their market post-marriage, much like Nayanthara did earlier. The film’s overall public reception remains something to watch in the coming days.