Kantara: 800 கோடிக்கு மேல் வசூலித்த காந்தாரா 1! ஒரு மாநிலத்தில் மட்டும் தோல்வி! எங்க தெரியுமா?

Updated: Tuesday, November 11, 2025, 16:32 [IST]

Subscribe to Oneindia Tamil

சென்னை: கடந்த 2025-ஆம் வருஷம் அதிக எதிர்பார்ப்புகளுக்கு மத்தியில் ரிலீஸ் ஆன படம் தான் ரிஷப் ஷெட்டியோட 'காந்தாரா - சாப்டர் 1. 2022-ல வந்த 'காந்தாரா' படத்தோட ப்ரீக்வல்ங்கிறதால, முதல் நாள்ல இருந்தே படத்துக்குக் கெட்டக் கிரவுட்! உலக அளவுல வசூலை வாரிக் குவிச்ச இந்த படம், ஒரு மாநிலத்துல மட்டும் விநியோகஸ்தர்களுக்கு கண்ணீரை வரவழைச்சிருச்சாம். என்ன நடந்ததுன்னு பார்க்கலாம்!

காந்தாரான்னா கதை

'காந்தாரா' படத்தோட கதை, 1847-களில் ஒரு மன்னனுக்கும், பழங்குடி மக்களுக்கும் இடையே உள்ள உறவையும், பூத கோலா என்ற தெய்வ வழிபாட்டையும் மையமா வெச்சு எடுக்கப்பட்டிருக்கும். இந்தப் படத்துல வர 'வராக ரூபம்' பாட்டுக்காகப் பெரிய சர்ச்சை எல்லாம் வந்தது. ஆனா, கர்நாடக பண்பாடு, தெய்வ நம்பிக்கை, ரிஷப் ஷெட்டியோட நடிப்புன்னு எல்லாமே படத்துக்கு பெரிய பாராட்டுகளை குவிச்சது. முதல் நாள்ல இருந்தே பாசிட்டிவ் விமர்சனங்களை பெற்று, வசூலை அள்ள ஆரம்பிச்சது.

பட்ஜெட்

'காந்தாரா சாப்டர்1' படம் 125 கோடி பட்ஜெட்டில் பிரம்மாண்டமா தயாராகி இருந்துச்சு. ரிஷப் ஷெட்டி இயக்கத்தில் ருக்மிணி வசந்த், ஜெயராம், குல்ஷன் தேவய்யான்னு பெரிய நட்சத்திர பட்டாளமே நடிச்சிருந்தது.

உலக அளவில் இந்தப் படம் 840 கோடி ரூபாய் வசூலித்து சாதனை படைச்சது! மாநிலம் வாரியா வசூல் நிலவரத்தை பார்த்தா, படம் பட்டையைக் கிளப்பிருக்கு:

* கர்நாடகா: ரூ245 கோடி
* இந்தி மற்றும் பிற மாநிலங்கள்: ரூ. 251 கோடி
* தமிழ்நாடு: 71.75 கோடி
* கேரளா: ரூ. 55.68 கோடி
* வெளிநாடுகளில்: ரூ.110 கோடி

பிரபலங்கள் எல்லாம் பாராட்டினாலும், சில பகுதிகள்ல பாக்ஸ் ஆபிஸ் வசூல் ஏமாற்றம் அளிச்சது.

தோல்வியான ஒரே மாநிலம்

உலக அளவில் ஹிட் கொடுத்த படம், தென்னிந்தியாவின் ஒரு மாநிலத்துல மட்டும் விநியோகஸ்தர்களுக்குப் பெரிய நஷ்டத்தைக் கொடுத்துடுச்சு. தெலுங்கு மாநிலங்களில் இந்த படம் விநியோகஸ்தர்களுக்குக் கடும் நஷ்டத்தை ஏற்படுத்தியுள்ளது. இந்தப் படத்தோட ப்ரீ-ரிலீஸ் வியாபாரம் ரூ. 91 கோடி! ஆனா, மொத்த ஷேர் வசூல் வெறும் ரூ.66.84 கோடி தான் பதிவாகியிருக்கு. அதனால, தெலுங்கு விநியோகஸ்தர்களுக்கு மட்டும் சுமார் 25 கோடி ரூபாய்க்கு மேல் நஷ்டம் ஏற்பட்டதாக வர்த்தக ஆய்வாளர்கள் சொல்றாங்க!

கன்னடம், தமிழ், இந்தினு எல்லா மொழியிலையும் கலக்கிட்டு, தெலுங்கில் மட்டும் இப்படி ஒரு தோல்வியை சந்திச்சது ரிஷப் ஷெட்டிக்கும் சரி, விநியோகஸ்தர்களுக்கும் சரி... பெரிய ஷாக் தான்!