Vaa Vaathiyar Box Office: வா வாத்தியார் 5வது நாள் வசூல் இவ்வளவு தானா? நிலைமை இப்படி மாறிடுச்சு! காரணம் இதுதானா?

சென்னை: வா வாத்தியார் படம் பற்றிய பேச்சு இப்போ கதையோ, விமர்சனமோ இல்ல... முழுக்க முழுக்க வசூல்தான். ஏனெனில் இத்தனை தடைகளை கடந்து, இத்தனை வருடங்களுக்குப் பிறகு ரிலீஸான ஒரு படத்திற்கு இப்படியான பாக்ஸ் ஆஃபீஸ் நிலவரமா என்ற ஆச்சரியம்தான் எல்லாருக்கும்.

நலன் குமாரசாமி - கார்த்தி கூட்டணி என்றதாலேயே படத்துக்கு ஆரம்பத்திலிருந்தே எதிர்பார்ப்பு அதிகம். அதுவும் பொங்கல் ரிலீஸ், பெரிய திரையரங்கு வெளியீடு என எல்லாமே செட் ஆன மாதிரி தான் இருந்தது. ஆனாலும் படம் வெளியான பிறகு விமர்சனம் கடுமையாக மாறியதும், அதன் தாக்கம் நேரடியாக வசூலில் தெரிந்தது.

ரிலீஸான முதல் சில நாட்களிலேயே படம் வேகம் இழக்க ஆரம்பிச்சுடுச்சு. நான்காவது நாளில் 1.45 கோடி ரூபாய் வசூல் செய்த படம், அடுத்த நாளே பெரிய சரிவை சந்தித்தது தான் பாக்ஸ் ஆஃபிஸை கவலைப்பட வைக்கும் விஷயம். ஐந்தாவது நாளான நேற்று, இந்திய அளவில் வெறும் 46 லட்சம் ரூபாய் மட்டுமே வசூல் செய்ததாக தகவல் வெளியாகியுள்ளது. ஒரு பொங்கல் வெளியீட்டு படத்திற்கு இது ரொம்பவே குறைவான எண்ணிக்கைன்னு தான் சொல்லணும்.

மொத்தமாக பார்த்தால், ஐந்து நாட்களில் "வா வாத்தியார்" இந்தியாவில் வசூல் செய்திருப்பது சுமார் 7.46 கோடி ரூபாய் தான். கார்த்தி மாதிரி ஒரு முன்னணி நடிகருக்கு, அதுவும் நீண்ட இடைவெளிக்குப் பிறகு வந்த படம் என்ற நிலையில், இந்த வசூல் நிச்சயமாக திருப்தி தரக்கூடியது இல்லை.

சினிமா வட்டாரத்தில் பேசப்படுவது என்னன்னா, நெகட்டிவ் விமர்சனங்கள் மட்டுமல்ல, அதே நேரத்தில் "தலைவர் தம்பி தலைமையில்" போன்ற மற்ற பொங்கல் படங்களுக்கு மக்கள் கூட்டம் அதிகமாக திரும்பியதும் "வா வாத்தியார்" வசூலுக்கு பெரிய அடியாக அமைந்திருக்கிறது. தியேட்டர் எண்ணிக்கையும், ஷோக்களும் நாளுக்கு நாள் குறைந்து வருவதாகவும் சொல்லப்படுகிறது.

மொத்தத்தில், பல ஆண்டுகளாக காத்திருந்த "வா வாத்தியார்" படம், பாக்ஸ் ஆஃபிஸில் அந்த காத்திருப்புக்கு ஏற்ற பலனை தரவில்லை என்பதுதான் இப்போதைய நிஜம். இனி வரும் நாட்களில் ஏதாவது பெரிய டர்ன்அரவுண்ட் நடக்குமா, இல்ல மெதுவாக திரையரங்குகளை விட்டு வெளியேறுமா என்பதுதான் அடுத்த கேள்வி. ஆனால் தற்போதைய வசூல் நிலவரம் பார்த்தால், "வா வாத்தியார்"க்கு பாக்ஸ் ஆஃபிஸில் நிலைமை ரொம்பவே கஷ்டமானதுதான்.

English summary

Vaa Vaathiyar Box Office: The discussion around Va Vaathiyar has now shifted completely from its story and reviews to its disappointing box office performance. Directed by Nalan Kumarasamy and starring Karthi, the film carried strong pre-release expectations due to the successful combination and its grand Pongal release. However, negative word of mouth after release has had a direct impact on collections. The film began losing momentum within the first few days, earning around Rs 1.45 crore on the fourth day, followed by a steep drop on the fifth day with just Rs 46 lakh collected across India. As of now, Va Vaathiyar has managed to earn approximately Rs 7.46 crore in five days, a figure considered underwhelming for a film led by a star like Karthi after a long gap. Industry sources suggest that harsh reviews and audience preference shifting towards other Pongal releases such as Thalaivar Thambi Thalaimaiyil have further weakened its box office run. With screens and shows gradually reducing, the film now faces an uncertain future unless a major turnaround occurs in the coming days.