நகை மதிப்பீட்டாளர் பயிற்சி விண்ணப்பங்கள் வரவேற்பு

தங்க நகை மதிப்பீட்டாளர் பயிற்சி பெற உலோகவியல் துணை இயக்குனர் அழைப்பு விடுத்துள்ளார்.

இதுகுறித்து அவர் வெளியிட்ட அறிக்கை: குறு, சிறு மற்றும் நடுத்தர தொழில்கள் மேம்பாட்டு நிலையம், குறு, சிறு மற்றும் நடுத்தர நிறுவனங்களின் அமைச்சகம் சார்பில் தங்க நகை மதிப்பீட்டாளர் பயிற்சி வழங்க உள்ளது.

இப்பயிற்சி செப்டம்பர் 26 முதல் அக்டோபர் 5 வரை, "22 ஏ, என்.ஜி.ஓ., கட்டிடம், புது ஆற்று சாலை, விருந்தினர் மாளிகை அருகே, தஞ்சாவூர்,' என்ற முகவரியில் இந்திய அரசின் குறு, சிறு மற்றும் நடுத்தர தொழில்கள் மேம்பாட்டு நிலையத்தால் துவங்க உள்ளது.

இப்பயிற்சி நவீன முறையான டச் ஆசிட் முறையில் கற்றுக் கொடுக்கப்பட்டு, இந்திய அரசின் நகை மதிப்பீட்டாளர்கள் சான்றிதழ் வழங்கப்படும். பயிற்சி முடித்தவர்கள், நாட்டுடமை வங்கி மற்றும் கூட்டுறவு வங்கிகளில் வேலை வாய்ப்பு பெற உதவும். நகை வியாபாரமும் செய்யலாம்.

இப்பயிற்சிக்கான கட்டணம் ரூ. 3,500. எஸ்.சி., எஸ்.டி., பிரிவினருக்கு 50 சதவீத கட்டண சலுகை வழங்கப்படும். கூடுதல் விபரம் அறிய:

"துணை இயக்குனர் (உலோகவியல்),
இந்திய அரசு குறு, சிறு மற்றும் நடுத்தர தொழில்கள் மேம்பாட்டு நிலையம்,
65/1-ஜி.எஸ்.டி., ரோடு,
கிண்டி, சென்னை 32,
போன் 044 22500765, 22501011, 12, 13
மொபைல் போன் 9962362993, 9944649469