இப்போது பிளாக் ஹோல் பற்றி கொஞ்சம் பார்ப்போம்..

By A K Khan

Updated: Tuesday, November 18, 2014, 15:17 [IST]

Subscribe to Oneindia Tamil

ஆல்பர்ட் ஐன்ஸ்டைன் சொன்ன General relativity தியரியின்படி ஒரு மாபெரும் நட்சத்திரம் உருக்குலைந்து, வெடித்துச் சிதறாமல், உள் வெடிப்புக்கு உள்ளாகி, தனக்குள்ளேயே தன்னை சமாதி செய்து கொள்ளும்போது உருவாவது தான் பிளாக் ஹோல். இந்த பிளாக் ஹோல்களை பார்க்க முடியாது. ஆனால், அதைச் சுற்றி நடக்கும் வானியல் நிகழ்வுகளை வைத்து அருகே பிளாக் ஹோல் இருப்பதை உணர முடியும். அப்படி என்ன நிகழ்வுகள் நடக்கும்?.

பிளாக் ஹோலின் ஈர்ப்பு விசை கணக்கிட முடியாத அளவுக்கு வலியது. இதனால் இது தன்னருகே உள்ள நட்சத்திரங்களின் ஒளியை விழுங்கும், அண்டத்தின் கதிர்வீச்சுகளை விழுங்கும், ஈர்ப்பு சக்தி அதிகமாக இருந்தால் நட்சத்திரங்களையும் கூட விழுங்கிவிடும். தன் அருகே உள்ள விண்வெளிப் பகுதிகளையும் நேரத்தையும் கூட (Space time) வளைத்துவிடும். இது தான் பிளாக்ஹோல்.

நீளம், அகலம், ஆழம் என்ற மூன்றை அடக்கியது தான் முப்பரிமாணம். இதில் நேரத்தையும் சேர்த்தால் வருவது தான் 4வது பரிமாணம். இது தான் 'ஸ்பேஸ்டைம்'.

அதே நேரத்தில் எல்லா பிளாக்ஹோல்களும் தன்னருகே உள்ளவற்றை சாப்பிட்டு ஏப்பம் விடுபவை இல்லை. சில gentle பிளாக்ஹோல்களும் உள்ளன. இவை தனக்குள் நுழையும் பொருட்களை சேதப்படுத்தாமல் பத்திரமாக அனுப்புவதும் உண்டு. இந்த 'நல்ல' பிளாக்ஹோல்களை "gentle singularity" என்கிறது நவீன இயற்பியல். இந்தப் படத்தில் காட்டப்படுவதும் அது மாதிரியான ஒரு பிளாக்ஹோல் தான்.

மீண்டு்ம் சினிமா பக்கம்...

ஆக, சனி கிரகத்துக்கு அருகே உருவான வார்ம்ஹோல் வழியாக பிளாக்ஹோலுக்கு அருகே உள்ள 3 பூமிகளிலும் தரையிறங்கி ஆய்வு செய்த 3 விஞ்ஞானிகளிடம் இருக்கும் முழுத் தகவல்களையும் திரட்டி வரும் வேலையை செய்ய நாஸா திட்டமிடுகிறது.

இதற்காக Endurance விண்கலகத்தை அனுப்புகிறது. அதில் ஹீரோ மேத்யூ மெக் கொனாஹே, ஹீரோயின் அன்னா ஹாத்வே, இரண்டு உண்மையான ஹீரோ/ஹீரோயின்களான TARS, CASE என்ற இரு ரோபோக்களும் பயணிக்கின்றன. உடன் மேலும் இரு விஞ்ஞானிகள். மற்றும் ஆயிரக்கணக்கான சினையாக்கப்பட்ட மனிதக் கரு முட்டைகளையும் எடுத்துச் செல்கின்றனர். மனித இனத்தை அங்கே விதைக்க....

மறுபடியும் சயின்ஸ்...

பிளாக்ஹோலில் ஈர்ப்பு விசை மிக மிக மிக அதிகம். அதிகமான ஈர்ப்பு விசையால் Gravitational time dilation என்ற ஒரு சம்பவம் நடக்கும் என்கிறார் ஐன்ஸ்டைன். அதாவது ஈர்ப்பு விசை அதிகரிக்க அதிகரிக்க நேரம் மிக மிக வேகமாக ஓடும்.