தங்கம் விலை தாறுமாறாகப் போகுது.. ஆட்டத்தை ஆரம்பிக்கும் அமெரிக்கா? இனி தான் மார்க்கெட்டில் பூகம்பம்!
நியூயார்க்: உலக சந்தைகளில் தங்கத்தின் விலை மீண்டும் ஏற்றத்தாழ்வைச் சந்திக்கும் சூழல் உருவாகியுள்ளது. அமெரிக்க மத்திய வங்கி (US Fed) டிசம்பரில் வட்டியை குறைக்குமா? என்ற கேள்வி எழுந்துள்ள நிலையில், உலக பொருளாதாரமும், தங்க சந்தையையும் நேரடியாக உலுக்குமென எதிர்பார்க்கப்படுகிறது. இதன் காரணமாக, தங்கம் வரும் நாட்களில் தொடர்ந்தும் மாற்றத்துடன் இயங்கும் வாய்ப்பு அதிகம் என்கின்றனர் சர்வதேச பொருளாதார நிபுணர்கள் கூறுகின்றனர்.
அமெரிக்காவில் டிசம்பர் மாத டெலிவரிக்கான தங்க வர்த்தகம் 0.5% உயர்ந்து ஒரு அவுன்ஸ் $4,079.5 என முடிந்தது. உலக வர்த்தகத்தில் சில நல்ல முன்னேற்றங்கள் தெரிந்தாலும், டிசம்பர் மாதத்தில் அமெரிக்க பெடரல் வங்கி வட்டி குறைப்பதற்கான சாத்தியம் குறைந்து வருகிறது.
மேலும், கடந்த காலங்களில் சர்வில் இருந்த அமெரிக்க டாலரின் மதிப்பு தற்போது வலுவாக இருப்பது தங்க விலையை அதிகரிக்க செய்கின்ற முக்கிய காரணங்களாக உள்ளன. இதனால் வரும் காலங்களில் தங்கத்தின் விலை ஏற்ற இறக்கமாக இருக்கும் கணிக்கப்படுகிறது.
இதைக்குறித்து நியூயார்க் Fed தலைவர் ஜான் வில்லியம்ஸ் கூறிய கருத்துகள் சந்தையில் பெரிய பாதிப்பை ஏற்படுத்தியுள்ளன. "வட்டி விகிதத்தை விரைவில் குறைத்தாலும், பணவீக்க இலக்கை பாதிக்க வாய்ப்பு இல்லை" என்று அவர் தெரிவித்தார். இந்த ஒரு வரிச் சொல்லே தங்க முதலீட்டாளர்களுக்கு ஊக்கமாக இருந்ததாக Kitco Metals நிறுவனத்தின் நிபுணர் ஜிம் வைகாஃப் கூறியுள்ளார். இதேவேளை, வர்த்தகர்கள் முன்பு 40% மட்டுமே வாய்ப்பு இருக்கிறது என நினைத்த வட்டி குறைப்பை, தற்போது 74% சாத்தியம் என மதிப்பிடுகின்றனர். அதாவது சந்தை முழுவதும் டிசம்பரில் வட்டி குறைப்பு வரலாம் என்ற எதிர்பார்ப்பு மீண்டும் அதிகரித்து வருகிறது.
அமெரிக்காவின் தாமதமாக வெளியான வேலைவாய்ப்பு அறிக்கையும் பொருளாதரத்தில் ஒரு நிலையற்ற தன்மையையே காட்டியது. அக்டோபர் மாதத்தில் non-farm payrolls 1,19,000 உயர்ந்தது. இது முன்னதாகவே கணிக்கப்பட்ட 50,000-ஐ விட மிகவும் அதிகம் என்பது குறிப்பிடத்தக்கது. ஆனால் வேலை இழப்பு விகிதம் நான்கு வருடங்களில் அதிகமான நிலைக்கு அமெரிக்காவில் உயர்ந்தது. இந்த முரண்பாடான தரவுகள் தங்க சந்தையில் மேலும் குழப்பத்தை ஏற்படுத்தியுள்ளன.வட்டி குறைப்பு சூழலில் வட்டி வருவாய் இல்லாத தங்கம் முதலீட்டாளர்களுக்கு அதிக ஆதரவு பெறுகிறது என்பது வர்த்தக உலகின் சாதாரண நடைமுறையே.
ஆனால், இதே நேரத்தில், சில Fed அதிகாரிகள் இன்னும் கடுமையான நிலைப்பாட்டில் இருக்கிறார்கள். "வட்டி விகிதம் இப்போது மாற்றப்பட வேண்டிய அவசியம் இல்லை," என டல்லஸ் Fed தலைவர் லோரீ லோகன் தெரிவித்துள்ளார். மேலும், அமெரிக்க பங்கு சந்தையும் கண்காணிக்கப்படுகிறது. பங்கு சந்தை இன்றும் அதிகமாக உயர்ந்தால், அதிக அபாயத்தை ஏற்கும் மனநிலை உருவாகும்; இதனால் தங்க விலை கீழே போகும் சாத்தியமும் அதிகம் என்று நிபுணர்கள் எச்சரிக்கிறார்கள்.
Click it and Unblock the Notifications
Sign in with Google