Gold Rate Today: எகிறி அடித்த தங்கம் விலை! சென்னையில் ஷாக் கொடுத்த கோல்டு ரேட்!

Updated: Saturday, August 23, 2025, 10:03 [IST]

Subscribe to Oneindia Tamil

சென்னை: சென்னையில் தங்கத்தின் விலை இன்று (ஆகஸ்ட் 23) சவரனுக்கு ரூ 800 உயர்ந்து ஒரு சவரன் ரூ 74,520-க்கு விற்பனையாகிறது. அது போல் ஒரு கிராம் ரூ 9,315-க்கு விற்கப்படுகிறது. கடந்த சில நாட்களாக தங்கம் விலை சவரனுக்கு ரூ 73 ஆயிரம் இருந்த நிலையில் தற்போது ரூ 74 ஆயிரத்தை தாண்டியுள்ளது.

சர்வதேச பொருளாதார சந்தைகளில் தங்கத்தின் விலை மாறிக் கொண்டே வருகிறது. இதன் விலை ஏறவும் செய்கிறது. இறங்கவும் செய்கிறது. இதற்கு காரணமாக அமெரிக்கா அதிபராக டிரம்ப் பதவியேற்றது, உலகில் பல்வேறு இடங்களில் நடக்கும் போர் உள்ளிட்டவைகளால் தங்கம் விலை அதிகரித்து வருகிறது.

கடந்த ஜூலை மாதம் தங்கத்தின் விலை குறைந்தபட்சமாக 7 ஆம் தேதி ஒரு சவரன் ரூ.72,080-க்கு விற்பனையாகியுள்ளது. அதிகபட்சமாக 23ஆம் தேதி ஒரு சவரன் ரூ. 75,040- க்கு விற்பனையானது. கடந்த ஏப்ரல் மாதம் ரூ 75 ஆயிரத்தை தங்கம் விலை நெருங்கிய நிலையில் இந்த ஜூலை மாதத்தில் ரூ 75 ஆயிரத்தை தாண்டியது.

ஆகஸ்ட் 23 ஆம் தேதியான இன்று தங்கம் விலை கிராமுக்கு ரூ 100 உயர்ந்து ஒரு கிராம் ரூ 9,315-க்கும், சவரனுக்கு ரூ. 800 உயர்ந்து ஒரு சவரன் ரூ 74,520-க்கும் விற்பனை செய்யப்படுகிறது. கடந்த சில தினங்களாக தங்கத்தின் விலை குறைந்து வந்தது, இன்று அதிரடியாக அதிகரித்தது.