Gold Rate Today: தங்கம் விலை பெரும் உயர்வு! நாளை ஆடிப்பெருக்குக்கு கோல்டு வாங்குவது எப்படி?

Updated: Saturday, August 2, 2025, 10:14 [IST]

Subscribe to Oneindia Tamil

சென்னை: சென்னையில் தங்கத்தின் விலை இன்று (ஆகஸ்ட் 2) சவரனுக்கு ரூ. 1120 உயர்ந்து ஒரு சவரன் ரூ 74,320-க்கு விற்பனையாகிறது. அது போல் ஒரு கிராம் ரூ 9,290-க்கு விற்கப்படுகிறது. வெள்ளியின் விலை மாற்றமில்லாமல் ஒரு கிராம் ரூ 123-க்கு விற்பனையாகிறது. ஒரு கிலோ வெள்ளி 1,23,000 ரூபாய்க்கும் விற்பனை செய்யப்படுகிறது.

சர்வதேச பொருளாதார சந்தைகளில் தங்கத்தின் விலை மாறிக் கொண்டே வருகிறது. இதன் விலை ஏறவும் செய்கிறது. இறங்கவும் செய்கிறது. இதற்கு காரணமாக அமெரிக்கா அதிபராக டிரம்ப் பதவியேற்றது, உலகில் பல்வேறு இடங்களில் நடக்கும் போர் உள்ளிட்டவைகளால் தங்கம் விலை அதிகரித்து வருகிறது.

கடந்த ஜூலை மாதம் தங்கத்தின் விலை குறைந்தபட்சமாக 7 ஆம் தேதி ஒரு சவரன் ரூ.72,080-க்கு விற்பனையாகியுள்ளது. அதிகபட்சமாக 23ஆம் தேதி ஒரு சவரன் ரூ. 75,040- க்கு விற்பனையானது. கடந்த ஏப்ரல் மாதம் ரூ 75 ஆயிரத்தை தங்கம் விலை நெருங்கிய நிலையில் இந்த ஜூலை மாதத்தில் ரூ 75 ஆயிரத்தை தாண்டியது.

ஆகஸ்ட் 2 ஆம் தேதியான இன்று சவரனுக்கு ரூ 1120 உயர்ந்து ஒரு கிராம் ரூ 9,290-க்கும், ஒரு சவரன் ரூ 74,320-க்கும் விற்பனை செய்யப்படுகிறது. கடந்த சில தினங்களாக தங்கத்தின் விலையில் குறைந்து வந்தது, தற்போது திடீரென அதிரடியாக அதிகரித்தது. தங்கம் விலை கடந்த இரு தினங்களாக குறைந்திருந்த நிலையில் இன்று அதிகபட்சமாக அதிகரித்துள்ளது. நாளை ஞாயிற்றுக்கிழமை என்பதால் பலர் நகை வாங்கக் கூடும். ஆனால் இன்று சவரன் விலை ரூ74 ஆயிரத்தை தாண்டிவிட்டதால் திங்கள்கிழமை மார்க்கெட் திறக்கும் வரை இதே விலையே இருக்கும் என்பதால் நாளை நகைக் கடைகளில் கூட்டம் சற்று குறைய வாய்ப்பிருக்கிறது.