Gold Rate Today: மீண்டும் உயர்ந்த தங்கம் விலை.. சவரனுக்கு ரூ.120 உயர்வு.. ஒரு சவரன் ரூ.74,120க்கு விற்பனை

Updated: Thursday, June 19, 2025, 10:52 [IST]

Subscribe to Oneindia Tamil

சென்னை: தமிழ்நாட்டில் தங்கம் விலை தொடர்ந்து 2வது நாளாக உயர்ந்திருக்கிறது. சென்னையில் தங்கம் விலை கிராமுக்கு ரூ.15 அதிகரித்து ரூ.9,265க்கும், சவரனுக்கு ரூ.120 குறைந்து ரூ.74,120க்கும் விற்பனை செய்யப்படுகிறது. சவரன் தங்கம் ரூ.75 ஆயிரத்தை நெருங்கி இருப்பதால், மக்கள் அதிர்ச்சி அடைந்துள்ளனர்.

இந்தியாவில் சர்வதேச பொருளாதார நிலைக்கு ஏற்ப தங்கம் விலை நாள்தோறும் நிர்ணயம் செய்யப்பட்டு வருகிறது. சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு உள்ளிட்ட பல்வேறு காரணிகள் தங்கம் விலையை நிர்ணயிப்பதில் முக்கிய பங்கு வகிக்கின்றன. அமெரிக்க அதிபராக டொனால்டு டிரம்ப் வந்த பின், கடந்த சில மாதங்களாக தங்கம் விலை உயரத் தொடங்கியது.

தங்கம் விலை

மே மாதம் தொடக்கத்தில் உச்சத்திற்கு சென்ற நிலையில், சாமானிய மக்கள் தங்கம் வாங்க முடியாத அளவிற்கு உயர்ந்தது. ஆனால் மே மாதம் கடைசி வாரத்தில் மீண்டும் தங்கம் விலை சரிந்தது. திருமண சீசன் தொடங்கிய போது மீண்டும் தங்கம் விலை சரியத் தொடங்கியதால், பொதுமக்கள் நிம்மதி அடைந்தனர். இதனால் தங்கம் வாங்குவோரின் எண்ணிக்கையும் அதிகரித்தது.

உயரும் தங்கம் விலை

ஆனால் தற்போது ஈரான் - இஸ்ரேல் இடையிலான போர் மீண்டும் சர்வதேச சந்தையில் தாக்கத்தை ஏற்படுத்தி வருகின்றன. இதனால் தங்கம் விலை கடந்த வாரம் தொடர்ந்து ஏறுமுகத்தில் இருந்தன. ஒரு சவரன் தங்கம் ரூ.75 ஆயிரத்தை நெருங்கியதால், பொதுமக்கள் அதிர்ச்சி அடைந்தனர். இதனால் சாமானிய மக்கள் பலரும் சோகம் அடைந்தனர்.

2வது நாளாக உயர்வு

இந்த வாரத்தை பொறுத்தவரை முதல் 2 நாட்கள் குறைந்த நிலையில், நேற்று மீண்டும் அதிகரித்தது. நேற்று தங்கம் விலை கிராமுக்கு ரூ.50 அதிகரித்து, ரூ.9,250க்கும், சவரனுக்கு ரூ.400 அதிகரித்து ரூ.74,000க்கும் விற்பனை செய்யப்பட்டது. இந்த நிலையில் இன்றும் தங்கம் உயர்வை சந்தித்துள்ளது. கிராமுக்கு ரூ.15 உயர்ந்த நிலையில், ஒரு கிராம் ரூ.9,265க்கும், சவரனுக்கு ரூ.120 உயர்ந்து, ஒரு சவரன் ரூ.74,120க்கும் விற்பனை செய்யப்பட்டு வருகிறது.