Gold Rate Today: இன்று திடீரென குறைந்த தங்கம் விலை! அமெரிக்காவின் முடிவுக்கு காத்திருக்கும் தங்க மார்கெட்?

Updated: Wednesday, September 17, 2025, 9:58 [IST]

Subscribe to Oneindia Tamil

சென்னை: கடந்த சில நாட்களாகவே தங்கம் விலை புதிய உச்சத்தைத் தொட்டு வருகிறது. தொடர்ச்சியாகச் சில நாட்கள் உயர்ந்து புதிய உச்சம் தொடும் தங்கம் விலை, சில நாட்கள் இலேசாகக் குறைந்தும் வருகிறது. அதன்படி நேற்று உச்சத்திற்குப் போன தங்கம் இன்று இலேசாகக் குறைந்துள்ளது. இன்று ஒரு சவரன் ஆபரணத் தங்கம் ரூ.80 குறைந்து, ரூ.82,160க்கு விற்பனை செய்யப்படுகிறது.

இந்தியாவில் இப்போது திருமண சீசன். நம்மை சுற்றியே பல திருமண நிகழ்வுகளை நடப்பதை நாம் பார்ப்போம். மேலும், பண்டிகைக் காலமும் சீக்கிரமே தொடங்குகிறது. இந்தக் காலகட்டத்தில் பொதுமக்கள் அதிகமாகத் தங்கம் வாங்குவார்கள். ஆனால், சமீப காலங்களில் தங்கம் விலை உயர்ந்து எங்கேயோ போய்விட்டதால் பொதுமக்களால் தங்கத்தை வாங்க முடிவதில்லை.

Gold Rate Today in Chennai 22 carat Gold price Today September 17

காரணம்

தங்கம் விலை உயரச் சர்வதேச அரசியலே பிரதானக் காரணமாக இருக்கிறது. முடிவுக்கு வராத போர், நிலையில்லாத பொருளாதாரம், குழப்பம் டிரம்ப் கொள்கைகள் காரணமாகத் தங்கம் விலை தொடர்ந்து உச்சம் தொட்டு வருகிறது. இதனால் மிடில் கிளாஸ் மக்களாலும் கூட தங்கத்தை வாங்க முடியாத சூழல் நிலவுகிறது. எப்போது தான் விலை குறையும் என்றே மக்கள் எதிர்பார்த்துக் காத்திருக்கிறார்கள்.

அமெரிக்கா மீட்டிங்

இன்றைய தினம் அமெரிக்க மத்திய வங்கியின் கூட்டம் நடைபெறுகிறது. இதில் அந்நாட்டு மத்திய வங்கி எடுக்கும் முடிவைப் பொறுத்தே தங்கம் விலை இருக்கும். இன்றைய தினம் அமெரிக்க மத்திய வங்கி வட்டி விகிதத்தைக் குறைத்தால் தங்கம் விலை எகிறும். இல்லை என்றால் தங்கம் விலை சற்று குறையவும் வாய்ப்பு இருக்கிறது. இந்திய நேரப்படி இன்றிரவு நடக்கும் கூட்டத்தைப் பொறுத்தே அடுத்த சில நாட்களுக்குத் தங்கத்தின் மூவ்மெண்ட் இருக்கும்.

விலை என்ன

நேற்று செப்டம்பர் 16ம் தேதி தங்கம் விலை சவரனுக்கு ரூ. 560 உயர்ந்து ரூ 82,240-க்கு விற்பனை செய்யப்பட்டது. இதற்கிடையே இன்று தங்கம் விலை லேசாக குறைந்துள்ளது. இன்று ஆபரணத் தங்கம் கிராமுக்கு ரூ 10 குறைந்து ரூ.10,270க்கு விற்பனை செய்யப்படுகிறது. அதேபோல சென்னையில் ஒரு சவரன் தங்கம் ரூ.80 குறைந்து, ரூ.82,160க்கு விற்பனை செய்யப்படுகிறது.