மட்டன் சாப்பிடலாமா? கோழி இறைச்சியைவிட "ஆட்டுக்கறி கொழுப்பு" பெஸ்ட்.. ஆய்வு சொல்வதை பாருங்க.. சூப்பர்

சென்னை: முழுவதுமாக தவிர்த்து விடக்கூடிய உணவாகிவிட்டதா மட்டன்? கொழுப்பு சத்து நிறைந்த ஆட்டிறைச்சி பற்றி ஆய்வுகள் சொல்வது என்ன?

நீரிழிவு நோயாளிகள், வயதானவர்கள், அதிக உடல் எடை கொண்டவர்கள், இதய நோயாளிகள், ரத்த அழுத்தம் பிரச்சனை இருப்பவர்கள், மட்டனை தொடவே கூடாது. ஆனால், உடல் ஆரோக்கியம் மிக்கவர்கள், குழந்தைகள், இளைஞர்கள் என உடலுழைப்பில் உள்ளவர்கள் மாதம் ஒருமுறையாவது, "ஓரளவு" மட்டன் சாப்பிடலாம் என்கிறார்கள்.

நன்மைகள்: மட்டன் சாப்பிடுவதால் ஏற்படக்கூடிய நன்மைகள் என்னென்ன தெரியுமா? ஆட்டிறைச்சி குறித்து ஆய்வுகள் சொல்வது என்ன? வேகவைத்தோ அல்லது கிரில் செய்தோ மட்டனை உணவாக எடுத்துக்கொள்ளும்போது, உடலுக்கு வலு கிடைக்கிறதாம்..

உடல் சூட்டினை தணிக்கும் தன்மை ஆட்டுக்கறிக்கு உள்ளதாம்.. தொடர்ந்து மட்டன் சாப்பிட்டு வருபவர்களுக்கு சரும பிரச்சனைகள் அவ்வளவாக வருவதில்லை.. சருமத்துக்கான பளபளப்பு கூடுவதுடன், பார்வை கோளாறுகளும் நீங்குவதாக சொல்கிறார்கள்.

ஆட்டிறைச்சியில் வைட்டமின் B12, நியாசின், இரும்பு மற்றும் செலினியம் போன்ற சத்துக்கள் உள்ளன. இந்த வைட்டமின் B12 நியூரான்கள் மற்றும் ரத்த அணுக்களை ஆரோக்கியமாக வைத்திருக்க உதவுகிறது.. செலினியம் நோயெதிர்ப்பு அமைப்பு, வளர்சிதை மாற்றம், தைராய்டு செயல்பாட்டைத் தூண்டுகிறது, நியாசின் உணவை ஆற்றலாக மாற்றுகிறது.

இரும்புச்சத்து: மற்ற இறைச்சி வகைகளோடு ஒப்பிடும்போது, ஆட்டிறைச்சியில் அதிக இரும்புச்சத்து உள்ளது... அதாவது, 100 கிராம் சிக்கனில் வெறும் 1.7 மி.கி மட்டுமே இரும்புச்சத்து உள்ளநிலையில், 100 கிராம் இளம் ஆட்டிறைச்சியில் சுமார் 3.8 மி.கி.இரும்புச்சத்து காணப்படுகிறதாம்.. ரத்த சோகையால் பாதிக்கப்பட்டவர்களுக்கு இந்த மட்டன் மிகவும் நன்மை அளிக்க கூடியதாக உள்ளது. அத்துடன் ரத்த சோகையை வராமலும் தடுத்து நிறுத்துகிறது..

இப்படிப்பட்ட சூழலில்தான், ஹார்வர்டு பல்கலைக்கழகம் ஆய்வு ஒன்றை வெளியிட்டுள்ளது. அதன்படி, நிறைவுற்ற கொழுப்பு இதய நோய் அபாயத்தை அதிகரிக்கிறதாம்.. ஆனால், நிறைவுறா கொழுப்பு என்று சொல்லப்படும் அன்சேச்சுரேட்டட் ஃபேட்ஸ் நம்முடைய உடலில் நல்ல கொழுப்பின் அளவை அதிகரிக்க செய்கிறதாம்.. இந்த நிறைவுறா கொழுப்புகள் மட்டனில் அபரிமிதமாகவே நிறைந்துள்ளது.. எனவே, இதனை சாப்பிடுவது இதய ஆரோக்கியத்திற்கு நல்லது என்று அந்த ஆய்வு சொல்கிறது.

ஆய்வுகள்: இன்னொரு காரணத்தையும் ஆய்வு சுட்டிக்காட்டுகிறது.. மட்டனில் பொட்டாசியம் நிறையவே உள்ளதுடன், சோடியம் அளவு குறைவாக இருக்கிறதாம்.. இதனால், நம்முடைய உடலில் பொட்டாசியம் + சோடியம் அளவுகளை சீராக பராமரிக்க முடியும் என்கிறது.

அதுமட்டுமல்ல, நம்முடைய உடலுக்கு தேவைப்படும் B12-ல் கிட்டத்தட்ட 32 சதவீதம் இந்த மட்டனில் இருப்பதாக கூறப்படுகிறது.. ரத்த சிவப்பணுக்களை நம்முடைய உடடிலில் உற்பத்தி செய்வதற்கு இந்த ஊட்டச்சத்து மிகவும் தேவையானதாகவும இருக்கிறது.

சிவப்பணுக்கள்: எனவே, மட்டனை முழுவதுமாக ஒதுக்கிவிடாமல், மருத்துவர்களின் ஆலோசனையின்பேரில், எப்போதாவது குறைந்த அளவு உணவாக எடுத்து கொள்ளலாம் என்றும் நிபுணர்கள் அறிவுறுத்துகிறார்கள்.

English summary

Amazing Medicinal Uses of Mutton and Eating mutton in a diet is healthy for body including Hemoglobin, says research