மாதவிடாய் நாட்களில் அதிக வயிற்று வலி இருக்கா?...அப்போ இந்த வகையான உணவை சாப்பிடுங்க!

சென்னை: பெண்களுக்கு மாதவிடாய் நாட்களில் உடல் சோர்வு, வயிறு வலி வருவது இயல்பானதே. ஒவ்வொரு மாதமும் அதிக இரத்தப்போக்கும், அடி வயிறு வலி வந்தால் உடல் ஆரோக்கியத்தில், சற்று அக்கறை எடுத்து பராமரித்து வந்தால் எதிர்காலத்தில் பல பிரச்னையை தவிர்க்கலாம். மாதத்தில் இருமுறை மாதவிடாய் சுழற்சி வரும் பெண்களுக்கு உடல் வலி, படபடப்பு, கோபம் அதிகமாக இருக்கும். சிலருக்கு செரிமானக் பிரச்சனைகளும் ஏற்படும். பெண்கள் கடைசி காலம் வரை நல்ல ஆரோக்கியமாக இருக்க, கர்பப்பை மிகவும் முக்கியமான உள்ளுறுப்பாகும்.

ஒவ்வொரு பெண்களுக்கும் மாதவிடாய் சுழற்சியின்போது ஏற்படக்கூடிய இரத்தப்போக்கு, வயிற்று வலியை குறைக்க வலி நிவாரணி மாத்திரைகள் (pain killer tablets) எடுத்துக்கொள்வது இயல்பாகிவிட்டது. ஆனால் நாம் புரிந்துகொள்ளவேண்டிய விஷயம், இயற்கையாய் வரக்கூடிய இரத்தப்போக்கு, மாதவிடாய் சுழற்சி, கர்ப்பப்பையில் ஏற்படக்கூடிய நீர்க்கட்டி, தாமதமாக மாதவிடாய் மூலம் வரும் பிரச்சனைகள் என்னென்ன மற்றும் வலியை குறைக்க இயற்கையான உணவுகள் மூலமாகவே இதை சரி செய்துவிடலாம் என்ற விழுப்புணர்வு விழிப்புணர்வை, ஒவ்வொரு பெற்றோரும் தங்கள் பெண் குழந்தைகளுக்கு கட்டாயம் சொல்லித்தர வேண்டும்.

கர்பப்பை மிகவும் பலவீனமாக இருந்தால், அதிக இரத்தப்போக்கு மற்றும் தாங்க முடியாத வலி ஏற்படும். எனவே கர்பப்பையை பலப்படுத்தக்கூடிய உணவு வகைகளை உட்கொள்ளவேண்டும் மற்றும் பொதுவான ஊட்டச்சத்துள்ள உணவு, ஆரோக்கியமான மனதுடன் நம் உடலை பராமரிக்க வேண்டும். அதிக இரத்தப்போக்கு, வலி வருவதற்கான அடிப்படையான காரணத்தை தெரிந்துகொண்டு, சரியான உணவு முறையில் இவற்றை சரிசெய்து கொள்ளலாம். மாதவிடாய் நாட்களில் என்னென்ன உணவுகளை சாப்பிடவேண்டும் என்பது பற்றி இக்கட்டுரையில் பார்க்கலாம்.

ஒவ்வொரு பெண்ணும் உட்கொள்ளும் நல்ல ஆரோக்கியமான உணவைப் பொறுத்தே மாதவிடாய் பிரச்சனைகளுக்கு நல்ல தீர்வை கொடுக்கும். அந்த 3 - 5 நாட்களில் சேர்த்துக்கொள்ளவேண்டிய ஆரோக்கியமான உணவு வகைகள். கால்சியம் சத்துள்ள பாதம், பால், தயிர், சேர்த்துக்கொள்ளவேண்டும். கொய்யா, வாழைப்பழம், ஆரஞ்சு, அவகாடோ, பழவகை சாப்பிடலாம். வெண்டைக்காய், மீன், ப்ராக்கோலி, உளுந்தங்களி, வெந்தய கஞ்சி, மேலும் ஒரு கீரை வகை கட்டாயம் சாப்பிட வேண்டும்.

3-4 லிட்டர் தண்ணீர் அல்லது வெந்நீர், ஜூஸ் குடித்தால் வயிற்று வலி குறையும். சாக்லேட்டில் உள்ள செரட்டோனின் என்ற வேதி பொருள் மாதவிடாய் நாட்களில் ஏற்படும் கோபம், டென்ஷன், பதட்டம், குறைக்க உதவும். அதிக இரத்தப் போக்கு காரணமான வெண்ணெய், கிரீம் போன்ற உணவுகளை தவிர்க்கவேண்டும்.

English summary

What food to eat during periods pain: Check out food to eat during periods pain in tamil, curd, badam, fish, bananna, orange, avocoda, juice, hot water, chocolates, ladiesfinger, brocoli, green leafs etc., and much more