Accenture-ல் வேலை.. தொடக்கமே ரூ.38,000 சம்பளம்.. சென்னை, கோவையிலேயே பணி செய்ய சூப்பர் சான்ஸ்!

சென்னை: இந்தியாவில் இயங்கி வரும் பிரபல ஐடி நிறுவனங்களில் ஒன்றான ஆக்சென்ச்சர்-ல்(Accenture) காலியாக உள்ள பணியிடங்களை நிரப்புவதற்கான அறிவிப்பு என்பது வெளியாகி உள்ளது. 2023ல் படிப்பை முடித்தவர்கள், 2024ல் படிப்பை முடிப்பவர்களும் இதற்கு விண்ணப்பம் செய்வதன் மூலம் சென்னை, கோவையிலும் பணியை பெற முடியும். அதோடு தொடக்கத்தில் மாதசம்பளமாக ரூ.38 ஆயிரம் வழங்கப்பட உள்ளது.

இந்தியாவின் முன்னனி ஐடி நிறுவனங்களில் ஒன்று அக்சென்ச்சர் (Accenture). சென்னை, கோவை உள்பட பல்வேறு முக்கிய நகரங்களில் இந்த நிறுவனம் செயல்பட்டு வருகிறது.

இந்நிலையில் தான் அக்சென்ச்சர் நிறுவனத்தில் காலியாக உள்ள பணியிடங்களை நிரப்புவதற்கான அறிவிப்பு என்பது வெளியாகி உள்ளது. அதன் விபரம் வருமாறு:

காலியிடங்கள்: ஆக்சென்ச்சர் நிறுவனத்தில் தற்போது அப்ளிகேஷன் டெவலப்மென்ட் அசோசியேட்ஸ் (Application Development Associates) பணிக்கு ஆட்கள் தேர்வு செய்யப்பட உள்ளனர். இந்த பணிக்கு எத்தனை பேர் தேர்வு செய்யப்பட உள்ளனர் என்பது பற்றி அதிகாரப்பூர்வ அறிவிப்பில் குறிப்பிடப்படவில்லை. இருப்பினும் அதிகமானவர்கள் தேர்வு செய்யப்பட வாய்ப்புள்ளது.

மாத சம்பளம்: அப்ளிகேஷன் டெவலப்மென்ட் அசோசியேட்ஸ் பணிக்கு தேர்வாகும் நபர்களுக்கு ஆண்டுக்கு ரூ.4 லட்சத்து 60 ஆயிரத்து 700 சம்பளமாக வழங்கப்படும். இதனை 12 மாதத்துக்கு கணக்கீட்டு பார்த்தால் தொடக்கத்திலேயே மாத சம்பளமாக ரூ.38,391 வரை கிடைக்கும்.

கல்வி தகுதி: அப்ளிகேஷன் டெவலப்மென்ட் அசோசியேட்ஸ் பணிக்கு பிஇ, பிடெக், எம்இ, எம்டெக், எம்எஸ்சி பிரிவுகளில் கம்ப்யூட்டர் சயின்ஸ், இன்பர்மேஷன் டெக்னாலஜி படிப்புகளை முடித்தவர்களும், எம்சிஏ படித்தவர்களும் விண்ணப்பம் செய்யலாம். இந்த படிப்புகளை கல்லூரி சென்று முழுநேரமாக முடித்திருக்க வேண்டும். பார்ட் டைம் முறையில் படித்தவர்கள் விண்ணப்பம் செய்ய முடியாது.

இதுதவிர விண்ணப்பம் செய்வோர் HANA, CDS, AMDP உள்ளிட்டவற்றில் ஏபிஏபி டெவலப்மென்ட் புரிதலை கொண்டிருக்க வேண்டும். அதோடு ஆங்கிலத்தில் பேசும் திறன், .NET (ASP.NET/ASP.NET MVC) புரிந்து கொண்டு செயலாற்றும் திறமையை கொண்டிருக்க வேண்டும். இந்த பணிக்கு 2023ல் படிப்பை முடித்தவர்கள், 2024ல் படிப்பை முடிப்பவர்களும் இதற்கு விண்ணப்பம் செய்யலாம் என தெரிவிக்கப்பட்டுள்ளது. இதன்மூலம் பணி அனுபவம் இல்லாதவர்களும் விண்ணப்பிக்க நல்ல சான்ஸ் கிடைத்துள்ளது.

விண்ணப்பிப்பது எப்படி: விண்ணப்பத்துக்கான கடைசி தேதி என்று எதுவும் அதிகாரப்பூர்வ அறிவிப்பில் தெரிவிக்கப்படவில்லை. இருப்பினும் தகுதி மற்றும் விருப்பம் உள்ளவர்கள் Accenture நிறுவனத்தின் அதிகாரப்பூர்வ இணையதளம் மூலம் முடிந்தவரை சீக்கிரமாக விண்ணப்பம் செய்ய வேண்டும் என தெரிவிக்கப்பட்டுள்ளது. பணிக்கு தேர்வாகும் நபர்கள் சென்னை, கோவை பெங்களூர், ஹைதராபாத், மும்பை, புனே, குர்கிராம், கொல்கத்தா, இந்தூர், ஜெய்ப்பூர் உள்ளிட்ட இடங்களில் பணியமர்த்தப்படுவார்கள் என அதிகாரப்பூர்வ அறிவிப்பில் தெரிவிக்கப்பட்டுள்ளது.

பணி தொடர்பான கூடுதல் விபரம் மற்றும் ஆன்லைனில் விண்ணப்பம் செய்ய Click Here

English summary

Accenture 2024 Recruitment: Accenture, one of the famous IT companies operating in India, has released a notification to fill the vacant positions on Application Development Associates. Those who completed their studies in 2023 and those who completed their studies in 2024 can also apply for jobs in Chennai and Coimbatore. In addition to this, a monthly salary of Rs.38,000 will be provided at the beginning.