ரெடியா? கைநிறைய சம்பளம்.. நர்சிங் முடித்தவரா நீங்கள்.. பெங்களூர் நிமான்ஸ்-ல் அசத்தலான வேலை

பெங்களூர்: பெங்களூரில் மத்திய அரசின் கட்டுப்பாட்டில் இயங்கி வரும் நிமான்ஸ் மருத்துவமனையில் ஏராளமான நர்சிங் ஆபிசர் பணியிடங்கள் நிரப்பப்பட உள்ளது. பிஎஸ்சி நர்சிங் மற்றும் அதுசார்ந்த படிப்புகளை முடித்தவர்கள் விண்ணப்பம் செய்யலாம்.

பெங்களூரில் நிமான்ஸ் (NIMHANS) எனும் நேஷனல் இன்ஸ்டிடியூட் ஆப் மென்டல் ஹெல்த் அன்ட் நியூரோ சயின்சஸ் (National Institute Of Mental Health and Neuro Sciences) மருத்துவமனை செயல்பட்டு வருகிறது.

இந்த மருத்துவமனை என்பது மத்திய அரசின் சுகாதாரம் மற்றும் குடும்ப நலவாழ்வுத்துறை அமைச்சகத்தின் கீழ் செயல்பட்டு வருகிறது. இங்குள்ள காலியிடங்களை நிரப்புவதற்கான அறிவிப்பு தற்போது வெளியாகி உள்ளது. அதன் விபரம் வருமாறு:

காலியிடங்கள்: பெங்களூர் நிமான்ஸ் மருத்துவமனையில் தற்போது நர்சிங் ஆபிசர் என்ற பொறுப்புக்கு 161 பேர் தேர்வு செய்யப்பட உள்ளனர். இடஒதுக்கீடு அடிப்படையில் எஸ்சி 26 பேர், எஸ்டி 10 பேர், ஓபிசி 39 பேர், யூஆர் 70 பேர், இடபிள்யூஎஸ் 16 பேர் தேர்வு செய்யப்பட உள்ளதாக அறிவிக்கப்பட்டுள்ளது.

வயது வரம்பு: இந்த பணிக்கு விண்ணப்பம் செய்வோர் 35 வயதுக்குள் இருக்க வேண்டும். எஸ்சி, எஸ்டி பிரிவினர் என்றால் 5 வயது வரையும், ஒபிசி என்றால் 3 வயது வரையும், மாற்றுத்திறனாளிகள் என்றால் 10 முதல் 15 வயது வரையும் வயது தளர்வு உண்டு. வயது வரம்பு என்பது 18.11.2023 என்ற தேதியின் அடிப்படையில் கணக்கீடு செய்யப்படும்.

கல்வி தகுதி: இந்திய நர்சிங் கவுன்சிலால் அங்கீகரிக்கப்பட்ட கல்லூரி, பல்கலைக்கழங்களில் பிஎஸ்சி (Hon) நர்சிங் அல்லது பிஎஸ்சி நர்சிங் படிப்பை முடித்திருக்க வேண்டும். இல்லாவிட்டால் ஐஎன்சி அங்கீகாரம் பெற்ற கல்லூரி, பல்கலைகழக்கழங்களில் பிஎஸ்சி (போஸ்ட் சர்ட்டிபிகேட்)/ போஸ்ட் பேசிக் பிஎஸ்சி நர்சிங் படிப்பை முடித்துமாநிலம்/இந்தியன் நர்சிங் கவுன்சிலில் நர்சஸ் மற்றுமு் மிட்வைப்-ஆக பதிவு செய்திருக்க வேண்டும்.

மாதசம்பளம்: இந்த பணிக்கு குறைந்தபட்சமாக ரூ.9,300 முதல் அதிகபட்சமாக ரூ.34,800 வரை சம்பளம் வழங்கப்படும். தகுதி மற்றும் விருப்பம் உள்ளவர்கள் www.nimhans.ac.in எனும் இணையதளம் மூலம் நவம்பர் மாதம் 18 ம் தேதி மாலை 4.30 மணிக்குள் ஆன்லைனில் விண்ணப்பம் செய்ய வேண்டும். இவ்வாறு விண்ணப்பம் செய்வோர் எலிஜிபிலிட்டி தேர்வுக்கு பிறகு பணியில் சேர்த்து கொள்ளப்படுவார்கள்.

பணி தொடர்பான அதிகாரப்பூர்வ அறிவிப்பை காண Click Here

பணிக்கு ஆன்லைனில் விண்ணப்பம் செய்ய Click Here

English summary

A large number of Nursing Officer posts are going to be filled in NIMHANS Hospital, which is run by the central government in Bangalore. Candidates who have completed B.Sc Nursing and related courses can apply.