பேங்க் ஆஃப் பரோடா வங்கியில் அதிகாரி வேலை.. இன்னும் 2 நாட்கள் தான் இருக்கு! உடனே விண்ணப்பிங்க

சென்னை: பேங்க் ஆப் பரோடா வங்கியில் அதிகாரி பணியிடங்களை நிரப்ப அறிவிப்பு வெளியாகி இருந்தது. மொத்தம் 104 பணியிடங்களை நிரப்ப அறிவிப்பு வெளியிடப்பட்டிருந்த நிலையில் இந்த பணியிடங்களுக்கு விண்ணப்பிக்க வரும் 16 ஆம் தேதி தான் கடைசி நாள் ஆகும். எனவே இதுவரை விண்ணப்பிக்காதவர்கள் உடனே விண்ணப்பித்து விடுங்கள்.

நாட்டின் முன்னணி பொதுத்துறை வங்கிகளில் ஒன்றான பேங்க் ஆப் பரோடா குஜராத் மாநிலம் வதோராவை தலைமையிடமாக கொண்டு இயங்கி வருகிறது. இந்த வங்கிக்கு நாடு முழுவதும் கிளைகள் உள்ளன. இந்த வங்கியில் குழுத் தலைவர், மண்டலத் தலைவர், துணை மேலாளர் உள்ளிட்ட 104 பணியிடங்களை நிரப்ப அறிவிப்பு வெளியாகி இருந்தது.

பணியிடங்கள் விவரம்:

* சீனியர் ரிலேஷன்ஷிப் மேனேஜர் : 70 பணியிடங்கள்.
* பிராந்திய ஹெட் : 17 பணியிடங்கள்.
* துணை மேலாளர் : 13 பணியிடங்கள்.
* குரூப் ஹெட் : 04 பணியிடங்கள்.

கல்வித் தகுதி மற்றும் அனுபவம்:

அங்கீகரிக்கப்பட்ட கல்வி நிலையத்தில் இருந்து டிகிரி முடித்தவர்கள் விண்ணப்பிக்க முடியும். இதேபோன்று பணியிடங்களுக்கு தகுந்தபடி அனுபவமும் கேட்கப்பட்டுள்ளது. AVP II - குழுத் தலைவர் பதவிக்கு, வளம் மேலாண்மை/சில்லறை வங்கி/முதலீட்டுச் சேவைத் துறையில் விற்பனை நிர்வாகத்தில் குறைந்தபட்சம் 10 வருட அனுபவமும், மண்டல அளவில் குழுவை 5 வருடங்கள் நிர்வகித்த அனுபவமும் அவசியம்.

துணை மேலாளர் - மூத்த உறவு மேலாளர் பதவிக்கு, பொது/தனியார்/வெளிநாட்டு வங்கிகள், பங்குத் தரகு/நிதி மேலாண்மை நிறுவனங்களில் உறவு மேலாளராகக் குறைந்தபட்சம் 3 வருட அனுபவம் தேவை.

துணை மேலாளர் - செல்வ ஆலோசகர் (முதலீடு மற்றும் காப்பீடு) பதவிக்கு, உறவு மேலாளர்/முதலீட்டு ஆலோசகராக 3 வருட அனுபவத்துடன், மியூச்சுவல் ஃபண்டுகள், காப்பீட்டுத் திட்டங்கள், PMS, AIF உள்ளிட்ட முதலீட்டுத் தயாரிப்புகள் குறித்து நன்கு அறிந்திருக்க வேண்டும்.

வயது வரம்பு

AVP II - குழுத் தலைவர்: 31-45,
AVP II - நிலப்பரப்புத் தலைவர்: 27-40.
துணை மேலாளர் - மூத்த உறவு மேலாளர்: 24-35,
துணை மேலாளர் - செல்வ ஆலோசகர்: 24-45.

அரசு விதிமுறைகளின்படி, SC/ST பிரிவினருக்கு 5 ஆண்டுகள், OBC (NCL) பிரிவினருக்கு 3 ஆண்டுகள், மாற்றுத் திறனாளிகளுக்கு (UR: +10, OBC: +13, SC/ST: +15) வயது வரம்பில் சலுகைகள் அறிவிக்கப்பட்டுள்ளன.

தேர்வு முறை

ஆன்லைன் தேர்வு, உளவியல் சோதனை (Psychometric Test) மற்றும் நேர்காணல் ஆகியவற்றின் அடிப்படையில் தகுதியான விண்ணப்பதாரர்கள் தேர்வு செய்யப்படுவார்கள்.

விண்ணப்பக் கட்டணம்:

பெண்கள், SC/ST, மாற்றுத் திறனாளிகள் மற்றும் முன்னாள் ராணுவத்தினர் ஆகியோருக்கு ரூ.175/- ஆகவும், மற்ற அனைவருக்கும் ரூ.850/- ஆகவும் நிர்ணயிக்கப்பட்டுள்ளது. விண்ணப்பக் கட்டணத்தை ஆன்லைனில் செலுத்த வேண்டும்.

தகுதியும் ஆர்வமும் உள்ள வேட்பாளர்கள், வங்கியின் அதிகாரப்பூர்வ இணையதளமான https://bankofbaroda.bank.in/ என்ற பக்கத்தில் சென்று விண்ணப்பிக்கலாம். விண்ணப்பிக்க கடைசி நாள் வரும் 16 ஆம் தேதி ஆகும். எனவே இதுவரை விண்ணப்பிக்காதவர்கள் உடனே விண்ணப்பித்து விடுங்கள்.

English summary

Bank of Baroda has released a notification to fill 104 officer vacancies. The last date to apply for these positions is April 16. Candidates who have not yet applied are advised to submit their applications immediately before the deadline.