கனரா வங்கியில் அதிகாரி ஆகணுமா? 60 பணியிடங்கள்.. லட்சங்களில் சம்பளம்! உடனே அப்ளை பண்ணுங்க

Updated: Tuesday, January 7, 2025, 19:48 [IST]

Subscribe to Oneindia Tamil

சென்னை: கனரா வங்கியில் காலியாக உள்ள 64 சிறப்பு அதிகாரி பணியிடங்களை நிரப்புவதற்கான அறிவிப்பு வெளியிடப்பட்டுள்ளது. பிஇ / பிடெக், எம்.எஸ்.சி, எம்.சி.ஏ உள்ளிட்ட படிப்புகளை முடித்தவர்கள் இந்த பணியிடங்களுக்கு விண்ணப்பிக்கலாம். தேர்வு செய்யப்படும் விண்ணப்பதாரர்களுக்கு லட்சங்களில் சம்பளம் வழங்கப்பட இருக்கிறது. இந்த பணியிடங்கள் குறித்த விரிவான விவரங்களை பார்க்கலாம்.

இந்தியாவின் முன்னணி பொதுத்துறை வங்கிகளில் ஒன்றாக இருப்பது கனரா வங்கி.கர்நாடக மாநிலம் பெங்களூரை தலைமையிடமாக கொண்டு செயல்படும் இந்த வங்கிக்கு நாடு முழுவதும் கிளைகள் உள்ளன. .... ஊழியர்களுடன் செயல்பட்டு வரும் இந்த வங்கியில் சிறப்பு அதிகாரிகள் பணியிடங்களை நிரப்புவதற்கான அறிவிப்பு வெளியாகியுள்ளது. இந்த பணியிடங்களுக்கு யாரெல்லாம் விண்ணப்பிக்கலாம்.. கல்வி தகுதி என்ன? வயது வரம்பு உள்ளிட்ட விவரங்களை இங்கே பார்க்கலாம்.

பணியிடங்கள் விவரம்:
* ஆப் டெவலப்பர்கள் - 07 பதவிகள்
* கிளவுட் அட்மினிஸ்ட்ரேட்டர் - 02
* கிளவுட் செக்யூரிட்டி Analyst - 02
* அனலிஸ்ட் ஆய்வாளர் - 01
* டேடா பேஸ் அட்மினிஸ்ட்ரேட்டர் - 09

* டேடா இன்ஜினியர் - 02
* டேடா மைனிங் நிபுணர் - 02
* தரவு சயிண்டிஸ்ட் - 02
* SOC (பாதுகாப்பு செயல்பாட்டு மையம்) ஆய்வாளர் - 02
* சிஸ்டம் அட்மினிஸ்ட்ரேட்டர் - 08 என மொத்தம் 22 வகையான பணியிடங்களில் மொத்தம் 60 சிறப்பு அதிகாரி பணியிடங்கள் நிரப்பப்படுகின்றன.

கல்வி தகுதி: கனரா வங்கி வெளியிட்டுள்ள சிறப்பு அதிகாரி பணியிடங்களுக்கு விண்ணப்பிக்க விரும்புவர்கள் துறை சார்ந்த பிரிவில் பட்டப்படிப்பு முடித்து இருக்க வேண்டும். பி இ/ பிடெக், எம்.எஸ்.சி, எம்.சி.ஏ உள்ளிட்ட படிப்புகளை முடித்தவர்கள் விண்ணப்பிக்கலாம். பணி அனுபவமும் கோரப்பட்டுள்ளது. கல்வி தகுதி குறித்த முழு விவரங்களை தேர்வு அறிவிப்பில் தேர்வர்கள் தெரிந்து கொள்ளலாம்.

வயது வரம்பு: 35 வயதுக்கு உட்பட்டவர்கள் இந்த பணியிடங்களுக்கு விண்ணப்பிக்கலாம். அரசு விதிகளின்படி வயது உச்ச வரம்பில் தளர்வுகள் உள்ளன.

சம்பளம் எவ்வளவு?: தேர்வு செய்யப்படும் விண்ணப்பதாரர்களுக்கு சம்பளத்தை பொறுத்தவரை பணியிடத்திற்கு தகுந்தபடி மாறுபடும். ஆண்டுக்கு ரூ.18 லட்சம் முதல் 27 லட்சம் வரை சம்பளமாக கிடைக்கும். ஒப்பந்த அடிப்படையில் பணியாளர்கள் நியமிக்கப்படுவார்கள்.

தேர்வு முறை: ஆன்லைன் டெஸ்ட் மற்றும் நேர்முகத்தேர்வு அடிப்படையில் தகுதியான விண்ணப்பதாரர்கள் தேர்வு செய்யப்படுவார்கள். ஆர்வமும் போதுமான கல்வி தகுதியும் உள்ள விண்ணப்பதாரர்கள் தேர்வு அறிவிப்பினை ஒருமுறை நன்கு படித்து தெரிந்து கொண்ட பின்னர் https://canarabank.com என்ற வெப்சைட் மூலமாக விண்ணப்பிக்க அறிவுறுத்தப்படுகிறார்கள். விண்ணப்பிக்க வரும் 24.01.2025. கடைசி நாள் ஆகும்.

தேர்வு அறிவிப்பினை படிக்க:
https://canarabank.com/UploadedFiles/Pdf/RP%201-2024%20-%20Specialist%20Officers%20-web%20advt-%2003012024.pdf