மத்திய அரசு வேலை.. 542 காலிப்பணியிடங்கள்! ஐடிஐ முடித்தவர்கள் விண்ணப்பிக்கலாம்.. செம சான்ஸ்!

Updated: Wednesday, November 5, 2025, 9:49 [IST]

Subscribe to Oneindia Tamil

சென்னை: மத்திய பாதுகாப்புத்துறை அமைச்சகத்தின் கீழ் செயல்படும் பிஆர்ஓ எனப்படும் எல்லை சாலைகள் அமைப்பில் காலியாக உள்ள 542 காலிப்பணியிடங்களை நிரப்ப அறிவிப்பு வெளியாகி உள்ளது. இந்த பணியிடங்களுக்கு ஐடிஐ முடித்தவர்கள் விண்ணப்பிக்க முடியும். எப்படி விண்ணப்பிப்பது என்பது உள்ளிட்ட விவரங்களை இங்கு பார்க்கலாம்.

பிஆர்ஓ எனப்படும் எல்லை சாலைகள் அமைப்பு மத்திய பாதுகாப்புத்துறை அமைச்சகத்தின் கீழ் செயல்படும் ஒரு அமைப்பாகும். நாட்டின் எல்லையோர பகுதிகளில் சாலைகளை அமைத்தல், சாலை பழுதுகளை சரிசெய்தல் உள்ளிட்ட பணிகளில் இந்த அமைப்பு ஈடுபட்டு வருகிறது.

பணியிடங்கள் விவரம்:

இந்த பிஆர்ஓ அமைப்பில் காலியாக உள்ள 542 பணியிடங்களை நிரப்ப அறிவிப்பு வெளியிடப்பட்டுள்ளது. இதற்கு யார் யார் விண்ணப்பிக்கலாம், கல்வித் தகுதி என்ன, வயது வரம்பு போன்ற விவரங்களை பார்க்கலாம்.

வாகன மெக்கானிக் - 324
MSW (பெயிண்டர்) - 13
MSW (டிரைவர் எஞ்சின்) - 205 என மொத்தம் 542 காலிப்பணியிடங்கள் உள்ளன.

கல்வித் தகுதி:

பத்தாம் வகுப்பு கல்வித் தகுதியுடன் துறை சார்ந்த பிரிவில் ஐடிஐ பயிற்சி முடித்திருக்க வேண்டும். வயது வரம்பு 18 வயது முதல் 25 வயது வரை. அரசு விதிகளின் படி வயது உச்ச வரம்பில் தளர்வுகள் அளிக்கப்படும். எஸ்சி/எஸ்டி பிரிவினருக்கு 5 ஆண்டுகள், ஓபிசி பிரிவினருக்கு 3 ஆண்டுகள், பொதுப்பிரிவு மாற்றுத் திறனாளிகளுக்கு 10 ஆண்டுகள் வயது தளர்வு வழங்கப்படும்.

தேர்வு முறை:

உடல் தகுதி தேர்வு, திறன் தேர்வு, எழுத்துத் தேர்வு மற்றும் மருத்துவ பரிசோதனை அடிப்படையில் தேர்வர்கள் தேர்ந்தெடுக்கப்படுவார்கள். விண்ணப்பதாரர்கள் தேர்வுக்கட்டணமாக ரூ.50 செலுத்த வேண்டும். எஸ்சி/எஸ்டி பிரிவினருக்கு கட்டணம் இல்லை.

விண்ணப்பதாரர்கள் https://bro.gov.in/ என்ற இணையதளத்தில் தேர்வு அறிவிப்பை படித்துவிட்டு அதில் உள்ள விண்ணப்பத்தை தேர்வர்கள் பதிவிறக்கம் செய்ய வேண்டும். விண்ணப்பத்தை இந்தி அல்லது ஆங்கிலத்தில் பூர்த்தி செய்து கீழ்க்கண்ட முகவரிக்கு அனுப்ப வேண்டும்.

அனுப்ப வேண்டிய முகவரி:

Commandant,
GREF Centre,
Dighi Camp,
Pune - 411015 என்ற முகவரிக்கு விண்ணப்பத்தை அனுப்ப வேண்டும்.

விண்ணப்பிக்க கடைசி நாள்

விண்ணப்பிக்க வரும் 24.11.2025 கடைசி நாளாகும். விண்ணப்பதாரர்கள் விண்ணப்பிக்கும் முன்பாக தேர்வு அறிவிப்பை படித்து உறுதி செய்து கொள்ள அறிவுறுத்தப்படுகிறார்கள்.