நோ எக்ஸாம்.. ரூ.30,000 மாத சம்பளம்.. சென்னை, மதுரை உயர்நீதிமன்றங்களில் வேலை வேண்டுமா? நல்ல வாய்ப்பு

சென்னை: சென்னை உயர்நீதிமன்றம் மற்றும் மதுரை உயர்நீதிமன்ற கிளைகளில் காலியாக உள்ள ரீசர்ஜ் சட்ட உதவியாளர் (Research Law Assistant) பணியிடங்களை நிரப்புவதற்கான அறிவிப்பு வெளியாகி உள்ளது. இந்த பணிக்கு தேர்வாகும் நபர்களுக்கு மாதம் ரூ.30 ஆயிரம் சம்பளம் வழங்கப்பட உள்ளது.

தமிழகத்தை பொறுத்தமட்டில் சென்னையில் உயர்நீதிமன்றம் அமைந்துள்ளது. இதன் கிளை உயர்நீதிமன்றம் மதுரையில் அமைந்துள்ளது. இந்நிலையில் தான் உயர்நீதிமன்றத்தில் காலியாக உள்ள பணியிடங்கள் அவ்வப்போது முறையான அறிவிப்புகளுடன் நிரப்பப்பட்டு வருகின்றன.

அந்த வகையில் தற்போது சென்னை உயர்நீதிமன்றம், மதுரை உயர்நீதிமன்ற கிளையில் காலியாக உள்ள ரீசர்ஜ் சட்ட உதவியாளர் (Research Law Assistant) பணிக்கு 75 பேர் தேர்வு செய்யப்பட உள்ளனர். பணிக்கு தேர்வாகும் நபர்களுக்கு மாதசம்பளமாக ரூ.30 ஆயிரம் வழங்கப்படும்.

வயது வரம்பு: இந்த பணிக்கு விண்ணப்பம் செய்வோர் 30 வயதுக்குள் இருக்க வேண்டும். வயது வரம்பு என்பது 01.07.2023 என்ற தேதியின் அடிப்படையில் கணக்கீடு செய்யப்படும். மேலும் அரசு விதிகளின் படி குறிப்பிட்ட பிரிவினருக்கு வயது தளர்வும் வழங்கப்பட உள்ளது என அதிகாரப்பூர்வ அறிவிப்பில் தெரிவிக்கப்பட்டுள்ளது.

கல்வி தகுதி: இந்த பணிக்கு விண்ணப்பம் செய்வோர் அங்கீகரிக்கப்பட்ட பல்கலைக்கழகம் அல்லது கல்லூரியில் சட்டப்படிப்பை (10+2+3+3, 10+2+5, 10+2+4+3 உள்பட பிற அங்கீகரிக்கப்பட்ட பேட்டன்களும் அடங்கும்) முடித்திருக்க வேண்டும். அதோடு விண்ணப்பத்தாரர்கள் இந்த பணி அறிவிப்பு வெளியிடப்பட்ட நாளுக்கு 5 ஆண்டுகளுக்கு முன்பு சட்டப்படிப்பை முடித்தவராக இருக்க வேண்டும்.

விண்ணப்பிப்பது எப்படி: இது ஒரு ஒப்பந்த அடிப்படையிலான பணியாகும். பணிக்கு தேர்வாகும் நபர்கள் ஓராண்டு வரை பணியமர்த்தப்படுவார்கள். தகுதி மற்றும் விருப்பம் உள்ளவர்கள் டிசம்பர் 8 ம் தேதிக்குள் https://www.hcmadras.tn.nic.in/ இணையதளம் மூலம் விண்ணப்பம் பதிவிறக்கம் செய்து பூர்த்தி செய்து உரிய ஆவணங்களுடன் விரைவு தபாலில் டிசம்பர் 8 ம் தேதிக்குள் ‛‛The Registrar General, High Court, Madras-600 104'' என்ற முகவரிக்கு அனுப்பி வைக்க வேண்டும்.

இப்படி அனுப்பும்போது தபாலின் மேல்புறம் ‛‛Application for the post of Research Law Assistant to the Hon'ble judges'' எனகுறிப்பிட வேண்டும். அதோடு விண்ணப்ப படிவத்தின் Soft Copy-யை [email protected] எனும் இ-மெயிலுக்கு டிசம்பர் 8 ம் தேதிக்குள் அனுப்பி வைக்க வேண்டும். இவ்வாறு விண்ணப்பம் செய்வோர் Vivo Voce முறையில் தேர்வு செய்யப்பட உள்ளனர்.

பணி தொடர்பான அதிகாரப்பூர்வ அறிவிப்பை காண Click Here

பணிக்கான விண்ணப்பத்தை ஆன்லைனில் டவுன்லோட் செய்ய Click Here

English summary

A notification has been issued to fill the vacancies of Research Law Assistant in Madurai High Court and Madurai High Court branches. The candidates selected for this job will be paid a salary of Rs.30 thousand per month.