9,212 காலியிடம்.. 10ம் வகுப்பு முடித்தாலே போதும்.. அழைக்கும் சிஆர்பிஎப்! தமிழகத்திலும் பணி வாய்ப்பு

டெல்லி: மத்திய ரிசர்வ் போலீஸ் படைப்பிரிவில் காலியாக உள்ள 9212 பணியிடங்களை நிரப்புவதற்கான அறிவிப்பு வெளியாகி உள்ளது. 10ம் வகுப்பு அல்லது அதற்கு நிகரான படிப்பை முடித்தவர்கள் விண்ணப்பம் செய்யலாம். பணிக்கு தேர்வாகும் நபர்களுக்கு அதிகபட்சமாக ரூ.69,100 வரை சம்பளம் வழங்கப்பட உள்ளது.

மத்திய உள்துறை அமைச்சகத்தின் கட்டுப்பாட்டில் பல்வேறு பாதுகாப்பு படைகள் செயல்பட்டு வருகின்றன. இதில் முக்கியமான ஒன்று தான் சிஆர்பிஎப் எனும் மத்திய ரிசர்வ் போலீஸ் படையாகும் (Central Reserve Police Force or CRPF). இங்கு காலியாக உள்ள பணியிடங்களை நிரப்புவதற்கான அறிவிப்பு வெளியாகி உள்ளது. அதன் விபரம் வருமாறு:

மத்திய ரிசர்வ் போலீஸ் படையில் கான்ஸ்டபிள் (டெக்னீக்கல்/டிரேட்ஸ்மேன்) பணிக்கு மொத்தம் 9,212 பேர் தேர்வு செய்யப்பட உள்ளனர். அதன்படி 9105 ஆண்கள், 107 பெண்கள் தேர்வு செய்யப்பட உள்ளனர். பணிக்கு தேர்வாகும் நபர்கள் இந்தியா முழுவதும் பணியமர்த்தப்பட உள்ளனர்.

தமிழ்நாட்டிலும் பணி செய்ய வாய்ப்பு உள்ளது. ஆண்களை பொறுத்தமட்டில் 579 பேர் தமிழ்நாட்டில் நியமனம் செய்யப்பட உள்ளனர். பணிக்கு தேர்வாகும் நபர்களுக்கு மாதம் குறைந்தபட்சமாக ரூ.21,700 சம்பளமாக வழங்கப்படும். அதிகபட்சம் என்றால் ரூ.69,100 வரை சம்பளம் வழங்கப்படும்.

இந்த பணிக்கு விண்ணப்பம் செய்ய விரும்புபவர்கள் மத்திய அல்லது மாநில அரசு அங்கீகரித்த கல்வி நிறுவனங்களில் 10, 12ம் வகுப்பு அல்லது அதற்கு நிகரான ஐடிஐ படிப்பை முடித்திருக்க வேண்டும். விண்ணப்பம் செய்வோர் 18 வயது முதல் 27 வயதுக்குள் இருக்க வேண்டும். எஸ்சி, எஸ்டி பிரிவினருக்கு 5 வயது வரையும், ஓபிசி, முன்னாள் படைவீரர்களுக்கு 3 வயது வரையும் விலக்கு அளிக்கப்படும்.

விண்ணப்பம் செய்வோர் கம்யூட்டர் அடிப்படையிலான தேர்வு, உடல்தகுதி தேர்வு, உடற்திறன் தேர்வு, டிரேட் தேர்வு, சான்று சரிபார்ப்பு, மருத்துவ பரிசோதனை உள்ளிட்டவற்றின் அடிப்படையில் பணி நியமனம் செய்யப்படுவார்கள்.

தகுதி மற்றும் விருப்பம் உள்ளவர்கள் http://www.crpf.nic.in எனும் இணையதளம் சென்று ஆன்லைனிலேயே 2023 ஏப்ரல் 25ம் தேதிக்குள் விண்ணப்பம் செய்ய வேண்டும் என பணி தொடர்பான அதிகாரப்பூர்வ அறிவிப்பில் தெரிவிக்கப்பட்டுள்ளது.

பணி தொடர்பான கூடுதல் விபரங்கள் அறிய Click Here

பணிக்கு ஆன்லைனில் விண்ணப்பம் செய்ய Click Here

English summary

Central Reserve Police Force has released a notification to fill 9212 vacancies. Candidates who have completed 10th standard or equivalent can apply. The maximum salary of Rs.69,100 will be given to the selected candidates.