பி.எஃப் கணக்கு வைத்திருக்கும் எல்லோருக்கும்.. அடிக்குது மெகா ஜாக்பாட்.. தேடி வரும் பணம்.. எவ்வளவு?

டெல்லி: பி.எஃப் கணக்கு வைத்து இருக்கும் பல லட்சம் ஊழியர்களுக்கு முக்கியமான குட் நியூஸ் ஒன்றை சொல்லி இருக்கிறது மத்திய அரசு.

உங்கள் பி.எஃப் (EPF) கணக்கில் சொற்பத் தொகைதான் இருக்கிறது என்று அதை அப்படியே விட்டுவிட்டீர்களா? அல்லது பணத்தை எடுக்க பி.எஃப் அலுவலகத்திற்கு அலைய வேண்டுமே எனச் சோம்பேறித்தனப்பட்டுப் போய் உட்கார்ந்திருக்கிறீர்களா?

இனி அந்த கவலை வேண்டாம். முடங்கிக் கிடக்கும் உங்கள் பணத்தை, நீங்களே கேட்காமலேயே உங்கள் வங்கி கணக்கிற்கு நேரடியாக அனுப்பும் அதிரடித் திட்டத்தை மத்திய அரசு தொடங்கிவிட்டது.

என்ன இந்த 'பைலட்' திட்டம்?

ஒரு பி.எஃப் கணக்கில் தொடர்ந்து 36 மாதங்கள் (3 ஆண்டுகள்) எந்தப் பரிவர்த்தனையும் நடக்கவில்லை என்றால், அது 'செயலற்ற கணக்கு' (Inoperative Account) என அறிவிக்கப்படும். நாடு முழுவதும் இப்படிச் சுமார் 31 லட்சம் கணக்குகளில் ₹10,000 கோடிக்கும் மேல் முடங்கிக் கிடக்கிறது. இதில் முதற்கட்டமாக, சுமார் 1.33 லட்சம் கணக்குகளைத் தேர்ந்தெடுத்து, அதிலுள்ள பணத்தை நேரடியாகச் சந்தாதாரர்களின் வங்கி கணக்கில் செலுத்தும் 'பைலட் திட்டத்தை' (Pilot Scheme) மத்திய தொழிலாளர் அமைச்சகம் தற்போது அதிகாரப்பூர்வமாகத் தொடங்கியுள்ளது.

யாருக்கு முன்னுரிமை?

ஆயிரம் ரூபாயை எடுப்பதற்குப் பத்து முறை அலைய வேண்டிய சூழலை மாற்றவே இந்த 'Direct Refund' சிஸ்டம். முதற்கட்டமாக ₹1,000-க்கும் குறைவாகத் தொகை வைத்துள்ள, ஆதார் இணைக்கப்பட்ட கணக்குகளுக்குப் பணம் அனுப்பப்பட்டு வருகிறது. 'நேரடிப் பயன் மாற்றல்' (DBT) முறை மூலம் இடைத்தரகர்கள் இன்றி இந்தத் தொகை உங்கள் அக்கவுண்டிற்கு வரும். இந்தச் சோதனை முயற்சி வெற்றி பெற்றால், அதிகத் தொகை கொண்ட மற்ற கணக்குகளுக்கும் இது விரிவுபடுத்தப்படும்.

நீங்கள் செய்ய வேண்டியது என்ன?

உங்கள் பழைய பி.எஃப் பணம் தேடி வர வேண்டுமென்றால், உங்கள் UAN எண்ணுடன் ஆதார் இணைக்கப்பட்டிருப்பது (KYC) மிக அவசியம். அதேபோல், தற்போது நீங்கள் பயன்படுத்தி வரும் வங்கி கணக்கு விவரங்கள் (IFSC Code உட்பட) சரியாகப் பதிவாகி இருக்கிறதா என்று 'EPFO போர்ட்டலில்' ஒருமுறை செக் செய்துகொள்ளுங்கள். விவரங்கள் சரியாக இருந்தால், எந்த மனுவும் கொடுக்காமல் உங்கள் பழைய பணம் உங்கள் கைக்கு வந்து சேரும்!

'இன்-ஆப்பரேட்டிவ்' கணக்குகள் என்றால் என்ன?

பி.எஃப் விதிமுறைகளின்படி, ஒரு கணக்கில் தொடர்ந்து மூன்று ஆண்டுகள் எந்தவிதப் பரிவர்த்தனையும் (டெபாசிட் அல்லது வித்ராயல்) நடக்கவில்லை என்றால், அது 'செயலற்ற கணக்கு' (Inoperative Account) என்று வகைப்படுத்தப்படும். துரதிர்ஷ்டவசமாக, இதுபோன்ற கணக்குகளுக்கு வட்டி வழங்கப்படுவதில்லை. இதனால் சந்தாதாரர்களுக்குப் பெரும் நிதி இழப்பு ஏற்படுகிறது.

6 லட்சம் பேருக்கு முதற்கட்டமாகப் பணம்!

தற்போது கிடைத்துள்ள தகவல்களின்படி, நாடு முழுவதும் சுமார் 31.86 லட்சம் கணக்குகள் இவ்வாறு முடங்கிக் கிடக்கின்றன. இவற்றில் மொத்தம் ₹10,903 கோடி பணம் தேங்கிக் கிடக்கிறது.

இதில் முதற்கட்டமாக, சுமார் 6 லட்சம் கணக்குகளைத் தேர்ந்தெடுத்து, அதில் உள்ள ₹650 கோடி ரூபாயை நேரடியாகச் சந்தாதாரர்களின் வங்கி கணக்கில் செலுத்த அரசு திட்டமிட்டுள்ளது. அடுத்த ஒரு மாதத்திற்குள் இந்தப் பணப் பரிமாற்றம் முழுமையாக நிறைவடையும் என எதிர்பார்க்கப்படுகிறது.

ஏன் இந்த நேரடி மாற்றம்?

"ஆயிரம் ரூபாயை எடுப்பதற்குப் பத்து முறை பி.எஃப் அலுவலகத்திற்கு அலைய வேண்டியிருக்கிறது" என்பதுதான் பலரின் குமுறலாக இருந்தது. இதனால் சிறு தொகையைச் சேமித்து வைத்திருப்பவர்கள், அதை எடுப்பதையே தவிர்த்து வந்தனர்.

எளிமை: இனி பி.எஃப் அலுவலகத்திற்கு அலைய வேண்டியதில்லை, கடிதப் போக்குவரத்து தேவையில்லை.

நேரடிப் பயன்: 'நேரடிப் பயன் மாற்றல்' (DBT) முறை மூலம் பணம் நேரடியாக வங்கி கணக்கிற்கு வரும்.

ஆதார் இணைப்பு: தற்போது ஆதார் இணைக்கப்பட்ட கணக்குகளுக்கு முன்னுரிமை அளிக்கப்படுகிறது. ஆதார் இணைக்கப்படாத கணக்குகளை விரைவாக இணைக்க மாநில அலுவலகங்களுக்கு உத்தரவிடப்பட்டுள்ளது.

English summary

EPFO Direct Refund Pilot Starts: Dormant PF Money to be Credited Directly to Bank Accounts