மதுரையில் IT வேலை ரெடியா இருக்கு.. இந்த சான்ஸை மிஸ் பண்ணாதீங்க.. HCL தரும் அசத்தலான வாய்ப்பு

மதுரை: எச்சிஎல் ஐடி நிறுவனத்தில் காலிப்பணியிடங்களை நிரப்புவதற்கான அறிவிப்பு என்பது வெளியாகி உள்ளது. இந்த பணிக்கு தேர்வாகும் நபர்கள் மதுரையில் உள்ள எச்சிஎல் நிறுவனத்தில் நியமனம் செய்யப்பட உள்ளனர். இந்த பணிக்கான தகுதி உள்பட பிற விவரங்கள் பின்வருமாறு:

முன்னணி ஐடி நிறுவனங்களில் ஒன்றாக எச்சிஎல் ஐடி நிறுவனம் செயல்பட்டு வருகிறது. தமிழகத்தில் சென்னை, மதுரை உள்ளிட்ட இடங்களில் இநத நிறுவனம் செயல்பட்டு வருகிறது. சென்னையில் உள்ள நிறுவனத்துக்கு அடிக்கடி ஆட்கள் தேர்வு செய்யப்படுகின்றனர்.

அதேவேளையில் மதுரை நிறுவனத்துக்கு அவ்வப்போது மட்டும் ஆட்கள் தேர்வு செய்யப்படுகின்றனர். அந்த வகையில் தற்போது மதுரை எச்சிஎல் ஐடி நிறுவனத்தில் ஆட்சேர்ப்பு நடைபெற உள்ளது.

எச்சிஎல் ஐடி நிறுவனத்தில் தற்போது ஜாவா சாப்ட்வேர் இன்ஜினியர் ( Java full stack developer) பணிக்கு ஆட்கள் தேர்வு செய்யப்பட உள்ளனர். Frontend, Backend உள்ளிட்டவற்றில் குறிப்பிட்ட திறமைகளை பெற்றிருக்க வேண்டும். அதன்படி Backend பிரிவில் கோர் ஜாவா, ஜாவா 8+, Spring Framework(ஸ்பிரிங் புட், ஸ்பிரிங் எம்விசி, ஸ்பிரிங் செக்யூரிட்டி) தெரிந்திருக்க வேண்டும்.

அதேபோல் RESTful ஏபிஐ டெவலப்மென்ட் மற்றும் இன்டகிரேஷன், Hibernate/JPA, மைக்ரோசர்வீசஸ் ஆர்க்கிடெக்ட்ச்சர் உள்ளிட்டவை தெரிந்திருக்க வேண்டும் என்று தெரிவிக்கப்பட்டுள்ளது. அதேபோல் Frontend என்றால் ஆங்குலர் அல்லது ரியாக்ட்.ஜேஎஸ் (Angular or React.js) அல்லது அதேமாதிரிரியான மாடர்ன் ஜாவா ஸ்கிரிப்ட் பிரேம்வொர்க்ஸ் தெரிந்திருக்க வேண்டும். எச்டிஎம்எல் 5, சிஎஸ்எஸ்3, ஜாவா ஸ்கிரிப்ட், டைப்ஸ்கிரிப்ட், ரெஸ்பான்சிவ் டிசைன் பிரின்சிபிள் உள்ளிட்டவை தெரிந்திருக்க வேண்டும்.

இவை எல்லாவற்றுக்கும் மேலாக சம்பந்தப்பட்ட பிரிவில் குறைந்தபட்சம் 7 ஆண்டு முதல் அதிகபட்சமாக 10 ஆண்டுக்குள் பணி அனுபவம் கொண்டிருக்க வேண்டும். தற்போதைய அறிவிப்பின்படி சம்பளம் குறித்த எந்த விபரமும் தெரிவிக்கப்படவில்லை. தகுதி மற்றும் திறமையை பொறுத்து சம்பளம் நிர்ணயம் செய்யப்படும். இதுபற்றி கடைசி கட்ட இண்டர்வியூவில் தெரிவிக்கப்படும்.

இந்த பணிக்கு தேர்வாகும் நபர்கள் மதுரையில் நியமனம் செய்யப்பட உள்ளனர். தற்போதைய அறிவிப்பில் பணிக்கு விண்ணப்பம் செய்வதற்கான கடைசி தேதி எதுவும் தெரிவிக்கப்படவில்லை. எனவே எப்போது வேண்டுமானாலும் விண்ணப்ப தேதி முடிவுக்கு வரலாம். இதனால் தகுதி மற்றும் விருப்பம் உள்ளவர்கள் உடனடியாக விண்ணப்பம் செய்வது நல்லது. இப்படி விண்ணப்பம் செய்வோர் ஷார்ட்லிஸ்ட் செய்யப்பட்டு இண்டர்வியூவுக்கு அழைக்கப்படுவார்கள்.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

HCL IT Jobs in Madurai (மதுரை ஐடி நிறுவனத்தில் வேலைவாய்ப்பு): HCL hiring for Java Full Stack Developer roles in Madurai. Candidates who has experience with 7 to 10 years can apply for this role.