B.Com, BA, B.sc முடித்தோருக்கு ஜாக்பாட்.. இன்றும் - நாளையும் இண்டர்வியூ.. அழைக்கும் HCL

Updated: Wednesday, August 27, 2025, 8:57 [IST]

Subscribe to Oneindia Tamil

சென்னை: சென்னை எச்சிஎல் ஐடி நிறுவனத்தில் புதிய வேலைவாய்ப்பு குறித்த அறிவிப்பு வெளியாகி உள்ளது. இந்த பணிக்கு ஏதாவது ஒரு பிரிவில் டிகிரி முடித்திருந்தால் போதும். அனுபவம் தேவையில்லை. இந்த பணிக்கான இண்டர்வியூ ஆகஸ்ட் 27 (இன்று) மற்றும் ஆகஸ்ட் 28 (நாளை) ஆகிய தினங்களில் நடைபெற ள்ளது. பணிக்கு தேர்வாகும் நபர்கள் சென்னை அம்பத்தூரில் உள்ள எச்சிஎல் அலுவலகத்தில் நியமனம் செய்யப்பட உள்ளனர்.

நம் நாட்டில் உள்ள முன்னணி ஐடி நிறுவனங்களில் ஒன்றாக எச்சிஎல் செயல்பட்டு வருகிறது. சென்னையில் உள்ள எச்சிஎல் அலுவலகத்தில் காலிப்பணியிடங்களை நிரப்புவதற்கான அறிவிப்பு வெளியாகி உள்ளது.

அதன்படி தற்போது எச்சிஎல் நிறுவனத்தில் Process Associate பணிக்கு ஆட்கள் தேர்வு செய்யப்பட உள்ளனர். இந்த பணிக்கான கல்வி தகுதிகள் பற்றிய முழு விவரம் வருமாறு:

இந்த பணிக்கு ஏதாவது ஒரு பிரிவில் டிகிரி முடித்திருக்க வேண்டும். பிகாம், பிஏ, பிஎஸ்சி என்று எந்த பிரிவில் படிப்பை முடித்திருந்தாலும் விண்ணப்பம் செய்யலாம். பட்ட மேற்படிப்பு படித்தவர்கள் என்றால் 2025ம் ஆண்டில் எம்பிஏ, எம்ஏ, எம்எஸ்சி, எம்காம் முடித்தவர்கள் விண்ணப்பம் செய்யலாம். பல கல்லூரி, பல்கலைக்கழகங்களில் கடைசி செமஸ்டர் ரிசல்ட் இன்னும் வராத நிலை உள்ளது. இதனால் ரிசல்ட்டுக்காக காத்திருப்பவர்களும் இந்த இண்டர்வியூவில் பங்கேற்கலாம் என்று தெரிவிக்கப்பட்டுள்ளது.

மற்றபடி பிஇ, பிடெக் பிரிவுகளில் இன்ஜினியரிங் படித்தவர்கள், எம்எஸ்சியில் கம்ப்யூட்டர் சயின்ஸ், இன்பர்மேஷன் டெக்னாலஜி, எம்சிஏ படித்தவர்கள் விண்ணப்பம் செய்ய வேண்டாம் என கூறப்பட்டுள்ளது. ஏதாவது டொமைனில் நல்ல கம்யூனிகேஷன் திறமையடன் ஒராண்டு வரை பணியாற்றியவர்களுக்கு முன்னுரிமை வழங்கப்படும்.

மற்றபடி படிப்பை இப்போது தான் முடித்தவர்கள் என்றால் அவர்களுக்கு ஆங்கிலத்தில் சரளமாக பேசவும், எழுதவும் தெரிந்திருக்க வேண்டும். பிரச்சனைகளை தீர்க்கும் திறன், முடிவெடுக்கும் திறன் இருக்க வேண்டும்.அதுமட்டுமின்றி எந்த வகையான ஷிப்ட்டாக இருந்தாலும் பணி செய்ய தயாராக இருக்க வேண்டும். இரவு பணிக்கும் தயாராக இருக்க வேண்டும். பணிக்கு தேர்வாகும் நபர்களுக்கு வாரத்தில் 5 நாட்கள் மட்டுமே பணி இருக்கும். வாரந்தோறும் சனி, ஞாயிற்றுக்கிழமைகளில் விடுமுறை என்பது வழங்கப்படும்.

பணியாளர்களுக்கு Cab வசதி உள்ளது. Cab வசதியை பெற ஆண்கள் அலுவலகத்தில் இருந்து 20 கிலோமீட்டர் தொலைவில் இருக்க வேண்டும். பெண்களுக்கு கிலோமீட்டர் கண்டிஷன் இல்லை. வீட்டில் இருந்து அலுவலகத்துக்கும், அலுவலகத்தில் இருந்து வீட்டுக்கும் ஊழியர்கள் Cab-ல் சென்று வரலாம்.

தற்போதைய அறிவிப்பின்படி பணிக்கான மாதசம்பளம் பற்றிய விவரம் தெரிவிக்கப்படவில்லை. இதுபற்றி கடைசி கட்ட இண்டர்வியூவில் தெரிவிக்கப்படும். இந்த பணிக்கான இண்டர்வியூ ஆகஸ்ட் 4ம் தேதி சென்னையில் காலை 11 மணி முதல் மாலை 3 மணி வரை நடைபெற உள்ளது. இண்டர்வியூ செல்வோர் மடிக்கணினி வைத்திருக்க அனுமதியில்லை.

இண்டர்வியூ Face to Face முறையில் நடைபெறும். இண்டர்வியூவில் பங்கேற்க விரும்புவோர் இன்று மற்றும் நாளை ஆகிய தினங்களில் HCL Technologies - AMB 6, South Phase, Ambattur Industrial Estate, 8, Madras, Thiruvallur High Rd, Ambattur, Chennai, Tamil Nadu என்ற முகவரிக்கு செல்ல வேண்டும். பணிக்கு தேர்வாகும் நபர்கள் அம்பத்தூரில் உள்ள எச்சிஎல் அலுவலகத்தில் நியமனம் செய்யப்பட உள்ளனர்.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here