மாதஊதியம் ரூ.20,000 டூ ரூ.1.77 லட்சம்.. கொடைக்கானல், திருப்பத்தூரிலேயே அரசு பணி! அழைக்கும் ஐஐஏபி!

இந்திய வானியற்பியல் நிறுவனத்தில் தமிழ்நாட்டின் கொடைக்கானல் மற்றும் திருப்பத்தூர் மாவட்டம் காவலூரில் காலியாக உள்ள பணியிடங்களை நிரப்புவதற்கான அறிவிப்பு வெளியாகி உள்ளது.

சென்னை: மத்திய அறிவியல் மற்றும் தொழில்நுட்பத்துறையின் கட்டுப்பாட்டில் இந்திய வானியற்பியல் நிறுவனம் செயல்பட்டு வருகிறது. இந்த மையத்தின் கிளைகளாக திண்டுக்கல் மாவட்டம் கொடைக்கானல் மற்றும் திருப்பத்தூர் மாவட்டம் காவலூரில் உள்ள இந்திய வானியற்பியல் மையங்களில் காலியாக உள்ள பணியிடங்களை நிரப்புவதற்கான அறிவிப்புகள் வெளியாகி உள்ளன.

கர்நாடகா மாநிலம் பெங்களூரை தலைமையிடமாக கொண்டு இந்திய வானியற்பியல் நிறுவனம் (Indian Institute of Astrophysics) செயல்பட்டு வருகிறது. இங்கு வானியல் சார்ந்த ஆராய்ச்சிகள் மேற்கொள்ளப்பட்டு வருகிறது.

இந்திய வானியற்பியல் நிறுவனத்தின் சோலார் அப்சர்வேட்டரி மையம் திண்டுக்கல் மாவட்டம் கொடைக்கானலில் உள்ளது. அதேபோல் திருப்பத்தூர் மாவட்டம் வாணியம்பாடி அருகே உள்ள காவலூரில் வைனு பாப்பு ஆய்வு கூடமும் இந்திய வானியற்பியல் நிறுவனத்தின் கட்டுப்பாட்டில் செயல்பட்டு வருகிறது.

காலியிடங்கள் எவ்வளவு?

இந்நிலையில் தான் தமிழ்நாடு உள்ள இந்த மையங்கள் மற்றும் கர்நாடகாவில் காலியாக உள்ள பல்வேறு பணியிடங்களை நிரப்புவதற்கான அறிவிப்பு வெளியிடப்பட்டுள்ளது. அதன்படி இந்திய வானியற்பியல் நிறுவனத்தில் மொத்தம் 15 பணியிடங்கள் காலியாக உள்ளன. என்ஜினீயர் பி மற்றும் எலக்ட்ரீசியன் ஏ, ஹார்டிகல்சர் அசிஎஸ்டென்ட் பிரிவில் தலா ஒன்று, மெக்கானிக் ஏ பிரிவில் 2, ஜூனியர் டெக்னிக்கல் அசிஸ்டென்ட் மற்றும் ஜூனியர் ரீசர்ஜ் அசிஸ்டென்ட் பிரிவில் தலா 5 பணியிடங்கள் காலியாக உள்ளன.

கல்வி தகுதி என்ன?

ஒவ்வொரு பணிக்கும் தனித்தனியான கல்வி தகுதிகள் நிர்ணயம் செய்யப்பட்டுள்ளன. அதன்படி மெக்கானிக்கல், எலக்ட்ரானிக்ஸ், பிஇ, பிடெக், எம்இ, எம்டெக், இளங்கலை பட்டபடிப்பில் ஐடி, பிசிஏ, இயற்பியல், வேதியியல், கணிதம், தோட்டக்கலை படிப்பை முடித்தவர்கள், டிப்ளமோ பிரிவில் மெக்கானிக்கல், கம்ப்யூட்டர் சயின்ஸ், ஐடி, எலக்ட்ரிக்கல், எலக்ட்ரிக்கல் மற்றும் எலக்ட்ரானிக்ஸ், ஐடிஐ ஆகிய படிப்புகளை முடித்தவர்கள் விண்ணப்பம் செய்யலாம்.

வயது வரம்பு என்ன?

என்ஜினீயர் பி பணிக்கு 35 வயதுக்குள் இருக்க வேண்டும். பிற அனைத்து பணிகளுக்கும் 30 வயதுக்குள் இருக்க வேண்டும். எஸ்சி, எஸ்டி பிரிவினருக்கு 5 வயது வரையும், ஓபிசி பிரிவினருக்கு 3 வயது வரையும், மாற்றுத்திறனாளிகளுக்கு 15 வயது வரையும் தளர்வு வழங்கப்பட உள்ளது என அதிகாரப்பூர்வ அறிவிப்பில் தெரிவிக்கப்பட்டுள்ளது.

மாத சம்பளம் என்ன?

என்ஜினீயர் பி பணிக்கு தேர்வாகும் நபர்களுக்கு மாதம் ரூ.56,100 முதல் ரூ.1.77 லட்சம் வரையும், ஜூனியர் டெக்னிக்கல் அசிஸ்டென்ட், ஜூனியர் ரீசர்ஜ் அசிஸ்டென்ட் மற்றும் ஹார்டிகல்சர் அசிஸ்டென்ட் பணிக்கு மாதம் ரூ.25,500 முதல் ரூ.81,100 வரையும் சம்பளம் வழங்கப்பட உள்ளது. மெக்கானிக் ஏ பிரிவு பணிக்கு தேர்வாகும் நபர்களுக்கு மாதம் ரூ.19,900 முதல் ரூ.63 ஆயிரத்து 200 வரையும் சம்பளம் வழங்கப்பட உள்ளது.

தேர்வு செய்வது எப்படி?

தகுதி மற்றும் விருப்பம் உள்ளவர்கள் https://www.iiap.res.in/ எனும் அதிகாரப்பூர்வ இணையதளம் சென்று பிப்ரவரி 20ம் தேதி மாலை 5.30 மணிக்குள் ஆன்லையனில் விண்ணப்பம் செய்ய வேண்டும். இவ்வாறு விண்ணப்பம் செய்வோர் எழுத்து தேர்வு அல்லது திறனறி தேர்வு மற்றும் நேர்க்காணல் முறையில் தேர்வு செய்யப்படுவார்கள்.

பணி தொடர்பான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

The Indian Institue of Astrophysics is functioning under the control of the Central Department of Science and Technology. The Indian Astrophysics Centers at Kodaikanal in Dindigul District and Kavalur in Tirupattur District as branches of this center have announced the vacancies to be filled.