IT Jobs: அனுபவம் வேண்டாம்.. சென்னை எச்சிஎல் நிறுவனத்தில் குவிந்திருக்கும் வேலை.. நாளை இண்டர்வியூ

சென்னை: சென்னையில் செயல்பட்டு வரும் எச்சிஎல் ஐடி நிறுவனத்தில் காலிப்பணியிடங்களை நிரப்புவதற்கான அறிவிப்பு வெளியாகி உள்ளது. இந்த பணிக்கு முன்அனுபவம் வேண்டாம். கலை மற்றும் அறிவியல் பிரிவில் படிப்புகளை முடித்தவர்கள் நேரடியாக நாளை (மார்ச் 21)சென்னையில் நடக்கும் இண்டர்வியூவில் பங்கேற்கலாம்.

தமிழ்நாட்டில் செயல்பட்டு வரும் முன்னணி ஐடி நிறுவனங்களில் ஒன்றாக எச்சிஎல் செயல்பட்டு வருகிறது. இந்த எச்சிஎல் ஐடி நிறுவனத்தில் Customer service representative - Voice Process பிரிவில் காலிப்பணியிடங்கள் நிரப்பபட உள்ளது.

இந்த பணிக்கு அனுபவம் எதுவும் வேண்டாம். ஆர்ட்ஸ் மற்றும் சயின்ஸில் ஏதாவது ஒரு பிரிவில் கல்லூரி படிப்பை முடித்தவர்கள் நேரடியாக இண்டர்வியூவில் பங்கேற்கலாம். பட்ட மேற்படிப்பை முடத்தவர்கள் என்றால் எம்பிஏ, எம்ஏ, எம்எஸ்சி, எம்காம் படிப்புகளை முடித்தவர்கள் விண்ணப்பம் செய்யலாம்.

தகுதிகள் என்னென்ன?

அதேவேளையில், 2025ம் ஆண்டில் கல்லூரி படிப்பை முடித்தவர்கள் என்றால் கடைசி செமஸ்டருக்கான மார்க் ஷீட் நகலை கையில் கட்டாயமாக வைத்திருக்க வேண்டும். அதே சமயம் பிஇ, பிடெக், எம்சிஏ படித்தவர்கள் இண்டர்வியூவில் பங்கேற்க வேண்டாம் என்று தெரிவிக்கப்பட்டுள்ளது.

மேலும் இண்டர்வியூ செல்வோருக்கு சில முக்கிய தகுதிகள் இருக்க வேண்டும். அதன்படி ஆங்கிலத்தில் சரளமாக பேசவும், எழுதவும் தெரிந்திருக்க வேண்டும். அதேபோல் ஷிப்ட் அடிப்படையில் பணியாற்ற தயாராக இருக்க வேண்டும். நைட் ஷிப்ட்டாக இருந்தாலும் ரெடியாக இருக்க வேண்டும்.

சம்பளம் என்ன?

தற்போதைய அறிவிப்பில் பணிக்கான சம்பளம் குறித்து எதுவும் தெரிவிக்கப்படவில்லை. ‛கிரேட் இன் இன்டஸ்ட்ரி' என்று மட்டுமே தெரிவிக்கப்பட்டுள்ளது. தகுதி மற்றும் திறமையை பொறுத்து சம்பளம் நிர்ணயம் செய்யப்படும். அதுபற்றி கடைசி கட்ட இண்டர்வியூவில் தெரிவிக்கப்படும்.

என்னென்ன வசதிகள்?

பணிக்கு தேர்வாகும் நபர்களுக்கு அலுவலகத்தில் இருந்து 30 கிலோமீட்டர் தொலைவுக்கு Cab வசதி உள்ளது. பிக்அப் -டிராப் வசதி ஏற்படுத்தி தரப்படும். பெண் ஊழியர்களுக்கு இந்த சேவை இலவசமாகும். இந்த பணிக்கான இண்டர்வியூ மார்ச் 21ம் தேதி காலை 11 மணி முதல் பிற்பகல் 2 மணி வரை நடைபெற உள்ளது.

இன்டர்வியூ எங்கே?

இண்டர்வியூ என்பது HCl Technologies, AMB 6, South Phase, Ambattur Industrial Estate 8, Madras Tiruvallur High Road, Ambattur, Chennai, Tamil Nadu 600 058 என்றமுகவரியில் நடைபெற உள்ளது. இண்டர்வியூவில் பங்கேற்க விரும்புபவர்கள் அதிகாரப்பூர்வ அறிவிப்பின் வழியாக விண்ணப்பம் செய்து பங்கேற்கலாம். பணிக்கு தேர்வாகும் நபர்கள் சென்னையில் நியமனம் செய்யப்பட உள்ளனர். இதனால் தகுதி மற்றும் விருப்பம் உள்ளவர்கள் நாளைய இண்டர்வியூவில் பங்கேற்று பயன் பெறலாம்.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

HCL IT Jobs 2026: HCL hiring for Customer service representatives roles for Chennai. Interview to be held on March 21. Any freshers who gets arts and science degree holders can walk in for the interviews.