IT Jobs: அனுபவம் தேவையில்லை.. டிகிரி முடித்தோருக்கு சென்னை எச்சிஎல் தரும் வேலை.. ஏப்ரல் 6ல் இண்டர்வியூ

சென்னை: சென்னையில் செயல்பட்டு வரும் எச்சிஎல் ஐடி நிறுவனத்தில் காலிப்பணியிடங்கள் நிரப்பப்பட உள்ளது. இதற்கான அறிவிப்பு வெளியாகி உள்ள நிலையில் டிகிரி முடித்து பணி அனுபவம் இல்லாதவர்கள் விண்ணப்பம் செய்து ஏப்ரல் 6ம் தேதி சென்னையில் நடக்கும் இண்டர்வியூவில் பங்கேற்கலாம்.

எச்சிஎல் ஐடி நிறுவனத்தில் இருந்து Process Associate பணிக்கு ஆட்கள் தேர்வு செய்யப்பட உள்ளனர். இந்த பணிக்கு கல்லூரியில் கலை மற்றும் அறிவியல் பிரிவில் படிப்பை முடித்தவர்கள் விண்ணப்பம் செய்யலாம்.

அதன்படி ஏதாவது ஒரு பிரிவில் டிகிரி முடித்தவர்களும், எம்பிஏ, எம்ஏ, எம்எஸ்சி, எம்காம் படிப்புகளை முடித்தவர்களும் விண்ணப்பம் செய்யலாம். இது Fresher-க்கான பணியாகும். இதனால் அனுபவம் தேவையில்லை.

ஷிப்ட் எப்படி?

அதேவேளையில் 2025ம் ஆண்டில் படிப்பை முடித்தவர்கள் என்றால் கடைசி செமஸ்டர் மார்க்‌ஷீட்டை கையில் வைத்திருக்க வேண்டும். இன்ஜினியரிங் மற்றும் எம்பிஏ படிப்புகளை படித்தவர்கள் விண்ணப்பம் செய்ய வேண்டாம். பணியானது US Shift முறையில் இருக்கும். இதனால் நைட்ஷிப்ட் பார்க்க தயாராக இருக்க வேண்டும்.

சம்பளம் என்ன?

அதோடு விண்ணப்பம் செய்யும் அனைவருக்கும் ஆங்கிலத்தில் சரளமாக பேசவும், எழுதவும் தெரிந்திருக்க வேண்டும். தற்போதைய அறிவிப்பின்படி பணிக்கான சம்பளம் பற்றி எதுவும் தெரிவிக்கப்படவில்லை. Best In Industry என்று மட்டுமே தெரிவிக்கப்பட்டுள்ளது. தகுதி மற்றும் திறமையை பொறுத்து சம்பளம் நிர்ணயம் செய்யப்பட உள்ளது. இதுபற்றி கடைசி கட்ட இண்டர்வியூவில் தெரிவிக்கப்படும்.

ஏப்ரல் 6ல் இண்டர்வியூ

இந்தபணிக்கான இண்டர்வியூ ஏப்ரல் 6 ம் தேதி காலை 11.30 மணி முதல் மதியம் 1 மணி வரை நடைபெற உள்ளது. இண்டர்வியூவில் பங்கேற்க விரும்புவோர் அன்றைய தினம் HCL Tech, AMB 6, 8, South Phse, MTH Road, Ambattur Industrial Estate, Chennai என்ற முகவரிக்கு செல்ல வேண்டும். பணிக்கு தேர்வாகும் நபர்கள் அம்பத்தூரில் உள்ள எச்சிஎல் நிறுவனத்தில் நியமனம் செய்யப்பட உள்ளனர்.

வாகன வசதி உண்டு

அலுவலகத்தில் Cab வசதி செய்து கொடுக்கப்படும். ஊழியர்கள் அலுவலகத்தில் இருந்து 30 கிலோமீட்டர் சுற்றளவில் இந்த வசதியை பெற முடியும். பெண் ஊழியர்களுக்கு இது இலவசமாகும். இதுதவிர ஊழியர்களுக்கு இன்டர்நேஷனல் டிரெய்னர்கள் வழியாக பயிற்சி வழங்கப்படும் என்று தெரிவிக்கப்பட்டுள்ளது.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

HCL IT Jobs: HCL hiring for Process Associate and interview to be held on April 6 in Chennai. Any Frehsers can walk in for the interviews. Arts and Scence, MBA,MA, M.sc, M.com candidates can apply for this role. Selected candidates will be appointed in Ambattur office.