அரியர்ஸ் இருந்தாலும் IT வேலை.. ஜனவரி 20ல் சென்னையிலேயே இண்டர்வியூ + பணி.. அழைக்கும் HCL

சென்னை: ஏதாவது ஒரு பிரிவில் டிகிரி முடித்தவர்களுக்கும், அரியர்ஸ் இருப்போருக்கும் புதிய வேலைவாய்ப்பு குறித்த அறிவிப்பை எச்சிஎல் நிறுவனம் வெளியிட்டுள்ளது. இதற்கான இண்டர்வியூ ஜனவரி 20ம் தேதி காலை சென்னை சோழிங்கநல்லூரில் உள்ள எச்சிஎல் அலுவலகத்தில் நடைபெற உள்ளது. தேர்வாகும் நபர்களுக்கும் அதே நிறுவனத்தில் பணி நியமனம் செய்யப்பட உள்ளனர்.

எச்சிஎல் ஐடி நிறுவனத்தில் Urgent Mega Walk in Interview என்ற பெயரில் Voice Process பணிக்கு ஆட்கள் தேர்வு செய்யப்பட உள்ளனர். இந்த பணிக்கான இண்டர்வியூவில் யாரெல்லாம் விண்ணப்பம் செய்யலாம் என்பது பற்றி இங்கு விரிவாக பார்க்கலாம்.

எச்சிஎல் ஐடி நிறுவனத்தில் Voice Process பணிக்கு முன்அனுபவம் எதுவும் தேவையில்லை. கல்லூரி படிப்பை சமீபத்தில் முடித்தவர்களும், இதற்கு முன்பு முடித்து அனுபவம் இல்லாதவர்களும் இந்த இண்டர்வியூவில் பங்கேற்கலாம்.

மொத்தத்தில் ஏதாவது ஒரு கல்லூரி படிப்பை படித்திருந்தால் போதும். அரியர்ஸ் இருந்தாலும் பரவாயில்லை என்று தெரிவிக்கப்பட்டுள்ளது. பட்ட மேற்படிப்பு முடித்தவர்களும் விண்ணப்பம் செய்யலாம். 2025ல் எம்பிஏ, எம்ஏ, எம்எஸ்சி, எம்காம் படிப்பை முடித்தவர்கள் இண்டர்வியூவில் பங்கேற்கலாம்.

அதேவேளையில் பிஇ, பிடெக், எம்எஸ்சி கம்ப்யூட்டர் சயின்ஸ், இன்பர்மேஷன் டெக்னாலஜி, எம்சி படிப்பை முடித்தவர்கள் இண்டர்வியூவில் பங்கேற்க வேண்டாம் என்று தெரிவிக்கப்பட்டுள்ளது. ஒருவேளை அனுபவம் கொண்டவர்கள் என்றால் ஓராண்டுக்குள் மட்டுமே இருக்க வேண்டும். அவர்கள் இண்டர்வியூவுக்கு வந்தால் அதற்கான சான்று வைத்திருக்க வேண்டும்.

மேலும் அனைவருக்கும் ஆங்கிலத்தில் சரளமாக பேசவும், எழுதவும் தெரிந்திருக்க வேண்டும். மேலும் இன்டர்பர்ஷனல் ஸ்கில் இருக்க வேண்டும். இன்பவுண்ட் மற்றும் அவுட்பவுண்ட் கால்ஸ்க்கு ரெடியாக இருக்க வேண்டும்.

எந்த வகையான ஷிப்ட்டாக இருந்தாலும் பார்க்க தயாராக இருக்க வேண்டும். குறிப்பாக நைட்ஷிப்ட்டுக்கு தயாராக இருக்க வேண்டும். தற்போதைய அறிவிப்பின்படி பணிக்கான சம்பளம் குறித்து எதுவும் தெரிவிக்கப்படவில்லை. தகுதி மற்றும் திறமையை பொறுத்து சம்பளம் நிர்ணயம் செய்யப்படும். இதுபற்றி கடைசி கட்ட இண்டர்வியூவில் தெரிவிக்கப்படும்.

அதேபோல் பணிக்கு தேர்வாகும் நபர்களுக்கு அலுவலகத்தில் இருந்து வீட்டுக்கு Cab வசதி உள்ளது. இன்டர்நேரஷனல் டிரெய்னர்ஸ் மூலமாக பயிற்சி வழங்கப்படும். இந்த பணிக்கான இண்டர்வியூ ஜனவரி 20ம் தேதி காலை 11 மணி முதல் பிற்பகல் 3 மணி வரை நடைபெற உள்ளது.

இண்டர்வியூ No 602/3/138, Elcot Economic Zone, Sholinganallur, Medavakkam High Road, Sholinganallur - 600 119, Chennai என்ற முகவரியில் உள்ள எச்சிஎல் அலுவலகத்தில் நடைபெறும். தேர்வாகும் நபர்கள் அதே அலுவலகத்தில் நியமனம் செய்யப்பட உள்ளனர். இண்டர்வியூவுக்கு செல்வோர் லேப்டாப் எடுத்து செல்ல அனுமதியில்லை.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

Chennai HCL IT Jobs 2026 (சென்னை எச்சிஎல் ஐடி வேலைவாய்ப்பு 2026): HCL urgent mega walk in interview at HCL Tech Fresher for Voice Process roles. Selected candidates will be appointed at Sholinganallur in Chennai.