IT Jobs: டிசிஎஸ் ஐடி நிறுவனத்தில் அசத்தலான வேலை.. சென்னையில் மார்ச் 28ல் இண்டர்வியூ.. மிஸ் பண்ணாதீங்க

சென்னை: சென்னையில் செயல்பட்டு வரும் டிசிஎஸ் ஐடி நிறுவனத்தில் இருந்து புதிய வேலைவாய்ப்பு குறித்த அறிவிப்பு வெளியாகி உள்ளது. இந்த பணிக்கான இண்டர்வியூ மார்ச் 28ம் தேதி (நாளை மறுநாள்) நடைபெற உள்ளது. தகுதி மற்றும் விருப்பம் உள்ளவர்கள் இண்டர்வியூவில் பங்கேற்கலாம்.

டாடா குழுமத்தை சேர்ந்த ஐடி நிறுவனமாக டாடா கன்சல்டன்சி சர்வீசஸ் செயல்பட்டு வருகிறது. சுருக்கமாக டிசிஎஸ் என அழைக்கப்பட்டு வரும் இந்த நிறுவனத்தில் இருந்து அடுத்தடுத்து புதிய அறிவிப்புகள் வெளியாகி வருகின்றன.

அந்த வகையில் தற்போதைய பணி குறித்த அறிவிப்பு பற்றியும், யாரெல்லாம் விண்ணப்பம் செய்யலாம்? என்பது குறித்து சுருக்கமாக இங்கு பார்க்கலாம்.

என்னென்ன தகுதிகள்?

இந்த இண்டர்வியூவில் டிகிரி முடித்து Mortgage underwriter 4C பிரிவில் குறைந்தபட்சம் 2 ஆண்டு முதல் அதிகபட்சம் 8 ஆண்டுகள் வரை அனுபவம் கொண்டர்கள் பங்கேற்கலாம். ஆங்கிலத்தில் சரளமாக பேசவும், எழுதவும் தயாராக இருக்க வேண்டும். நைட்ஷிப்ட் பார்க்க தயாராக இருக்க வேண்டும்.

மார்ச் 28ல் இண்டர்வியூ

இந்த பணிக்கான இண்டர்வியூ மார்ச் 28 ம் தேதி (நாளை மறுநாள்) நடைபெறும். அன்றைய தினம் காலை 9 மணி முதல் மதியம் 2 மணி வரை இண்டர்வியூ நடக்கும். இண்டர்வியூவில் பங்கேற்க விரும்புவோர் Tata Consultancy Services Ltd 1/G1, SIPCOT IT Park Navalur, Siruseri, Chennai - 603 103 என்ற முகவரியில் நடைபெற உள்ளது.

ஆவணங்கள் என்னென்ன?

இண்டர்வியூவுக்கு செல்வோர் அனைத்து வகையான கல்வி சான்றிதழ், பணி அனுபவம் சார்ந்த சான்றிதழ்களை வைத்திருக்க வேண்டும். அதேபோல் ரெஸ்யூம், ஆதார் நகல், EPFO சர்வீஸ் ஹிஸ்டரி உள்ளிட்டவற்றை வைத்திருக்க வேண்டும். இண்டர்வியூவின்போது இந்த ஆவணங்களை கவனமாக வைத்திருக்க வேண்டம்.

நியமனத்துக்கு பணம் கிடையாது

அதேபோல் பார்க்கிங் ஏரியாவில் தான் டூவீலர், கார்களை நிறுத்த வேண்டும். டிசிஎஸ் சார்பில் பணி நியமனத்துக்கு எந்த பணமும் வசூலிக்கபடாது. இதனால் யாரும் பணம் கொடுத்து ஏமாற வேண்டாம். யாராவது பணம் கேட்டால் அதுபற்றி உடனடியாக நிர்வாகத்தின் கவனத்துக்கு கொண்டு செல்லலாம். இண்டர்வியூவில் தேர்வாகும் நபர்கள் சென்னையில் நியமனம் செய்யப்பட வாய்ப்புள்ளது.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

TCS IT JOBS: TCS Direct walk in opportunity for Mortgage Underwriter 4C on 28th March in Chennai. Any full time graduate with 2 to 8 years of experienc in Mortgage underwriting 4C can apply and attend interview.