சப்-இன்ஸ்பெக்டர், கான்ஸ்டபிள் வேலை.. 526 பணியிடங்கள்.. மாதம் 1.12 லட்சம் சம்பளம்.. ரெடியா இருங்க

சென்னை: இந்தோ திபெத்தியன் எல்லை பாதுகாப்பு படைப்பிரிவில் சப் இஸ்ன்பெக்டர், ஹெட் கான்ஸ்டபிள், கான்ஸ்டபிள் பணியிடங்கள் என மொத்தம் 526 பணியிடங்களை நிரப்ப அறிவிப்பு வெளியாகியுள்ளது. இதற்கான கல்வித்தகுதி என்ன?, வயது வரம்பு எவ்வளவு? என்பது உள்ளிட்ட விவரங்களை இங்கே பார்க்கலாம்.

இந்தோ திபெத்தியன் எல்லை பாதுகாப்பு படை பிரிவு (ITBPF)-வில் காலியாக உள்ள சப் இன்ஸ்பெக்டர், ஹெட் கான்ஸ்டபிள், கான்ஸ்டபிள் (டெலி கம்யூனிகேஷன்ஸ்) என மொத்தம் 526 பணியிடங்களை நிரப்ப அறிவிப்பு வெளியாகியுள்ளது. இந்த பணியிடங்களுக்கு யாரெல்லாம் விண்ணப்பிக்கலாம் என்பது பற்றிய விவரங்களை இங்கே பார்க்கலாம்.

பணியிடங்கள் விவரம்:
சப் இன்ஸ்பெக்டர்: 92 (78 ஆண்கள் + 14 பெண்கள்)
தலைமைக்காவலர்: 383 (325 + 58)
கான்ஸ்டபிள்: 51 (44 + 7) என மொத்தம் 526 பணியிடங்கள் உள்ளன.

கல்வி தகுதி: சப் இன்ஸ்பெக்டர் பணிக்கு விண்ணப்பிக்க விரும்புவர்கள் பி.எஸ்.சி/பி.டெக்/ பி.சி.ஏ ஏதாவது ஒரு பாடப்பிரிவில் பட்டம் பெற்று இருக்க வேண்டும்.

தலைமைக்காவலர் பணிக்கு விண்ணப்பிப்பவர்கள் 12 ஆம் வகுப்பு தேர்ச்சி பெற்றிருக்க வேண்டும். இயற்பியல், வேதியியல், கணிதம் உள்ளிட்ட பாடங்களை கொண்ட பிரிவை 12 ஆம் வகுப்பில் எடுத்து படித்து இருக்க வேண்டும். ஐடிஐ அல்லது டிப்ளமோ இன்ஜினியரிங் முடித்தவர்கள் விண்ணப்பிக்கலாம்.

வயது வரம்பு: சப் இன்ஸ்பெக்டர் பணிக்கு விண்ணப்பிக்க விரும்புவர்கள் 20 வயது முதல் 25 வயதுக்கு உட்பட்டோர் விண்ணப்பிக்கலாம். ஹெட் கான்ஸ்டபிள் பணிக்கு 18 வயது முதல் 25 வயதுக்குட்பட்டோர் விண்ணபிக்கலாம். கான்ஸ்டபிள் பணிக்கு அதிகபட்ச வயது வரம்பு 23 ஆகும். அனைத்து பணியிடங்களுக்கும் அரசு விதிகளின் படி வயது உச்ச வரம்பில் தளர்வுகள் உண்டு. எஸ்.சி எஸ்.டி பிரிவினருக்கு 5 ஆண்டுகளும், ஒபிசி பிரிவினருக்கு 3 ஆண்டுகளும் சலுகை உண்டு.

தேர்வுக் கட்டணம்: சப் இன்ஸ்பெக்டர் பணிக்கு விண்ணப்பிக்க ரூ.200 ம், கான்ஸ்டபிள் பணிக்கு விண்ணப்பிக்க ரூ.100 ம் செலுத்த வேண்டும். பெண்கள், எஸ்.சி/எஸ்.டி உள்ளிட்டோருக்கு தேர்வு கட்டணம் கிடையாது.

தேர்வு முறை: உடல் தகுதி தேர்வு, உடல் திறன் தேர்வு , எழுத்து தேர்வு, சான்றிதழ் சரிபார்ப்பு, மெடிக்கல் டெஸ்ட் ஆகியவைகளுக்கு பிறகு தேர்வர்கள் தேர்வு செய்யப்படுவார்கள். விண்ணப்பிக்க வரும் 15.11.2024- முதல் அவகாசம் தொடங்குகிறது. 14.12.2024 விண்ணப்பிக்க கடைசி நாள் ஆகும்.

சம்பளம் எவ்வளவு?:
சப் இன்ஸ்பெக்டர்: ரூ.35,400 -1,12,400
ஹெட் கான்ஸ்டபிள்: ரூ.25,500 - 81,100 வரை
கான்ஸ்டபிள்: ரூ.21,700 - 69,100 வரை

தகுதியும் ஆர்வமும் உள்ள விண்ணப்பதாரர்கள் ஆன்லைன் வழியாக விண்ணப்பிக்க வேண்டும். தேர்வு அறிவிப்பினை படிக்க https://www.igcrect.in/wp-content/uploads/2024/11/ITBP-Telecommunication-Recruitment-2024-Notification-PDF.pdf இந்த லிங்கை கிளிக் செய்து பார்க்கவும்.

English summary

Indo-Tibetan Border Security Force has released a notification to fill up a total of 526 posts of Sub Inspector, Head Constable, Constable. What is the educational qualification for this? and what is the age limit? You can see the details here.