பட்டுக்கோட்டை பாய்ஸுக்கு பக்கா சான்ஸ்.. அரசு நடத்தும் வேலைவாய்ப்பு முகாம்! 8வது படித்தாலே போதுமாம்

தஞ்சாவூர்: பட்டுக்கோட்டையில் முன்னாள் முதலமைச்சர் கருணாநிதி நூற்றாண்டு விழாவை முன்னிட்டு தமிழ்நாடு அரசு சார்பில் நாளை மாபெரும் தனியார் துறைக்கான வேலை வாய்ப்பு முகாம் நடைபெற இருக்கிறது.

மறைந்த தமிழ்நாடு முன்னாள் முதலமைச்சர் கருணாநிதியின் நூற்றாண்டு விழாவை முன்னிட்டு தமிழ்நாடு அரசு பல்வேறு திட்டங்களை நிறைவேற்றி வருகிறது. அதன் ஒரு பகுதியாக தமிழ்நாட்டின் பல்வேறு இடங்களில் இளைஞர்களுக்கு தனியார் வேலைவாய்ப்பு ஏற்படுத்தும் முகாம்கள் நடத்தப்படும் என அறிவிக்கப்பட்டு பல மாதங்களாக நடத்தப்பட்டு வருகிறது. கடந்த மார்ச் மாதமும் தஞ்சாவூர், திருவள்ளூர், ஈரோடு, ராணிப்பேட்டை, திருவண்ணாமலை உள்ளிட்ட மாவட்டங்களில் இந்த முகாம்கள் நடத்தப்படும் என அறிவிக்கப்பட்டது. அதேபோல் நாளை தஞ்சை மாவட்டம் பட்டுக்கோட்டை அருகே ஏனாதி ராஜப்பா கலை மற்றும் அறிவியல் கல்லூரியில் இந்த முகாம் நடத்தப்படும் அறிவிக்கப்பட்டு இருக்கிறது.

இதுகுறித்து தமிழ்நாடு அரசு வெளியிட்டு உள்ள அறிவிப்பில், "தஞ்சாவூர் மாவட்ட நிர்வாகம் மற்றும் நகர்புற வாழ்வாதார இயக்கம் இணைந்து நடத்தும் மாபெரும் தனியார் துறை வேலைவாய்ப்பு முகாமானது வரும் நாளை காலை 8.30 மணி முதல் மாலை 3.00 மணி வரை பட்டுக்கோட்டையில் உள்ள ஏனாதி இராஜப்பா கலை அறிவியல் கல்லூரியில் நடைபெறவுள்ளது.

இந்த முகாமில் 8வது, SSLC / HSC, ITI, டிப்ளமோ, பட்டதாரிகள் மற்றும் B.E உட்பட பல்வேறு கல்வி தகுதிகளுக்கு தனியார் நிறுவனங்கள் தங்களுக்கு தேவையான பணியாளர்களை தேர்வு செய்யவுள்ளனர். எனவே தனியார் துறையில் வேலைதேடும் இளைஞர்கள் இவ்வேலை வாய்ப்பு முகாமில் நேரடியாக கலந்துகொண்டு பணி வாய்ப்பை பெற்றிடுமாறு கேட்டுக்கொள்ளப்படுகிறார்கள்.

தங்கள் நிறுவனத்தில் காலிப்பணியிடம் உள்ள தனியார்துறை நிறுவனங்களும் இவ்வேலைவாய்ப்பு முகாமில் கலந்துகொண்டு தகுதியுடைய வேலை நாடுநர்களை தேர்ந்தெடுத்து பயன்பெறுமாறும் கேட்டுக்கொள்ளப்படுகிறார்கள். இவ்வேலைவாய்ப்பு முகாமானது வேலை நாடுநர்களுக்கும், வேலை அளிக்கும் நிறுவனங்களுக்கும் முற்றிலும் இலவசமாகும். மேலும் தகவலுக்கு 04362237037.

இவ்வேலைவாய்ப்பு முகாம் நடைபெறும் இடம்:ஏனாதி இராஜப்பா கலை அறிவியல் கல்லூரி, ஏனாதி , பட்டுக்கோட்டை, தஞ்சாவூர் _614615 -Landmark:https://maps.app.goo.gl/iXbHuYGwpN2DwxQYA " என்று தெரிவிக்கப்பட்டு உள்ளது. குறிப்பாக இந்த முகாமில் பங்கேற்க இருப்பவர்கள் சுய விபர குறிப்பு (RESUME), கல்வி சான்றிதழ்கள், ஆதார் கார்டை எடுத்து செல்லுமாறு கேட்டுக்கொள்ளப்படுகிறார்கள். ஃபார்மலான உடையணிந்து தாங்கள் படித்த துறை சார்ந்த முக்கிய விசயங்களை படித்துவிட்டு நேர்காணலில் சிறப்பாக செயல்பட்டால் வேலை நிச்சயம்.

English summary

On the occasion of former Chief Minister Karunanidhi's centenary in Pattukottai, a massive job placement camp for the private sector will be held tomorrow on behalf of the Tamil Nadu government.